الجمعة 29 مارس 2024 الموافق 19 رمضان 1445
رئيس التحرير
حازم عادل
حوادث

"الناس متحركتش".. التحقيق مع معلم تحرش بأجنبية داخل أتوبيس سياحى

الخميس 15/يوليو/2021 - 10:31 ص
صورة المتحرش
صورة المتحرش

أصبحت واقعة قيام معلم بالتحرش باجنبية داخل أتوبيس الجونة، هي حديث الساعة بعدما تم تداولها بصورة واسعة على خلفية منشور نشرته إحدى الفتيات على حسابها الشخصي بموقع "فيس بوك". 

وتباشر جهات التحقيق، تحقيقاتها الموسعة مع المعلم المتحرش؛ للوقوف على كافة تفاصيل وملابسات الواقعة. 

وروت "ندى.ز"، تفاصيل الواقعة عبر حسابها الشخصي على موقع "فيس بوك" قائلة: "راجعة من الجونة للقاهرة بأتوبيس وبالتحديد بعد رست الزعفرانة يحصل حدث ممكن يحصل لأي حد وهو إن شخص قذر كان في وضعية قذرة في الأتوبيس وكان موجه القذارة بتاعته لبنت أجنبية كانت في الأتوبيس معانا".
 
وتابعت الفتاة: "شفت المنظر مسكتش ومسحت بكرامته الأرض، وخليته يقعد جنب السواق لحد لما أشوف كمين ونعمل محضر بالواقعة، لحد لما وصلنا للشركة كلمنا الشرطة وعملنا البلاغ وحاليًا في النيابه وبإذن الله هياخد حكم سجن لواقعه التحرش".
 
وأوضحت: "التجربة صعبة مش سهلة بس محدش يسكت على الخطأ تماما وكل قذر ياخد عقابه.. تيجي بقا لرد فعل الناس فى الأتوبيس.. الأتوبيس نصه كان فاضي وأغلبيته ناس سلبية ولا ليها أي لازمة كل اللي هامهم إن خلاص أنا فضحته وخلاص على كده".
 
وأتمت قائلة: "الكارثة إن الشخص ده طلع مدرس "بيدرس لأجيال" لكم أن تتخيلوا تحرش بكام حد قبل كده.. هو هياخد من سنه لـ3 سنوات سجن مع وقفه من وزارة التربية والتعليم.. بالرغم التعب الي شفته اليوم بس حقيقي فخورة أن الواحد مش سلبي واحد موقف وأنقذ أرواح.. محدش يسكت يا جماعة".