الجمعة 29 مارس 2024 الموافق 19 رمضان 1445
رئيس التحرير
حازم عادل
حوادث

"قالولى بلاش فضايح".. فتاة تتعرض للتحرش داخل ميكروباص أكتوبر (صور)

الثلاثاء 06/يوليو/2021 - 11:51 ص
صورة من الحدث
صورة من الحدث

تعرضت فتاة تدعى وفاء دويدار، إلى واقعة تحرش جديدة داخل ميكروباص متجة إلى مدينة 6 أكتوبر، من قبل الشخص فى المقعد خلفها، مطالبةً الأجهزة الأمنية بسرعة تحديد هويته والقبض عليه لينال عقابه. 

وقالت "وفاء" عبر حسابها الشخصى على موقع "فيس بوك": "الواد اللى واقف ده أنا كنت قدامه فى عربية أكتوبر النهاردة بظبط عند سلم الصحراوي.. هو مد إيده من جنب ولمسني أنا قومت ضربته وهزقته بطولي محدش اداله قلم.. الناس بقت وحشة أوي منهم لله أي حد بيسكت مبيحطش نفسه مكان حد".

وتابعت: "الناس شدوني عشان كنت بضربه.. ولما لقى كدا وهما بيشدوني شدني من الطرحة كان عايز يضربني والناس نزلوني أنا من العربية، وفيه اتنين بصراحة نزلوا معايا وركبوني عربية تانيه وركبوا معايا على أساس أنه ميضربنيش.. محدش قاله حاجة حسبي الله ونعم الوكيل بجد وواحدة فضلت تقولي اسكتي عيب كفايا فضايح.. أنا مش فاهمه مفروض أسمي عليه ولا أعمل إيه".