حمو بيكا يوجه رسالة شكر للشاعر بهاء الدين محمد: "تاريخك معروف بالاحترام"
الأحد 04/يوليو/2021 - 04:31 م
وجه مؤدي المهرجانات حمو بيكا، رسالة شكر إلى الشاعر الكبير بهاء الدين محمد، بعد إشادة الأخير بموهبته وفنه.
وكتب حمو بيكا منشورًا عبر حسابه الرسمي على موقع التواصل الاجتماعي "فيس بوك" قائلًا: "أستاذنا الفاضل أستاذ بهاء الدين محمد شكرًا لدعمك ورأيك فينا.. تاريخك معروف بالاحترام شكرًا جدًا".
وكتب بهاء الدين محمد عبر حسابه على موقع التواصل الاجتماعي "فيس بوك"، "أنا عايز أقولكم وأعترفلكم بحاجه أنا بأحب حمو بيكا جدا بتلقائيته وفنه وكله على بعضه كده وماحدش يضايقه علشان بجد اللى هايضايقه هاضايقه وها يبقى بجد منفسن ونفسيه وغيران منه".
وتابع:" مع احتفاظي باعتراضي على الكلام المرفوض علشان ماحدش يعلق بجهل ويعمل نفسه مش فاهمني".
وتعرض بهاء الدين محمد لانتقادات بسبب رأيه، فقام بتعديل المنشور وإضافة عليه توضيح جديد، وكتب: "واضح إن فيه لجان هاجمه على البوست ومش عاجبهم رأى واحد حر ... وكده بيثبتوا إنه بيتحارب وأنا مااعرفش !!! حتى ف اللون ده نفسنه ولجان والحاجات دي".
