نشوى مصطفى تتعرض لهجوم عنيف بسبب مسلسل "الثمانية" لتركى آل الشيخ

تعرضت الفنانة نشوى مصطفى لهجوم عنيف من عدد من متابعيها وزملائها بالوسط الفنى بعد منشور لها تبدى خلاله إعجابها بفريق عمل مسلسل الثمانية وقصته ، حيث كتبت نشوى عبر صفحتها الشخصية على موقع التواصل الاجتماعى " فيس بوك" ، " اللي معترض على المسلسل معترض علي ايه بالظبط  —  اظن ممثلين كتير فى مصر يتمنىوا يشتغلوا فى المسلسل ده زي ماأى لاعب كورة كان يتمنى يروح يلعب فى بيراميدز.. ربنا يوفق الزملا ويحافظ عليهم من شر النق والحسد".

وتابعت " الطف تعليق واحد من الزملا بيقول اللي كان ليه نصيب فى المسلسل كأنه طالع اعارة يأمن مستقبله ويرجع يستقر اللهم ارزقنا الاعارة  عاجلاً غير أجل.. واستكمالاً —  المسلسل اخراج مخرج كبير اي ممثل يتمنى يشتغل معاه..والمؤلف المشارك فى الكتابة مؤلف محترم ومهم جد".

وبعد الهجوم عليها بسبب رأيها كتبت " نشوى مصطفى" منشور أخر قالت خلاله" وبعدين بقى  —  طيب اللي حيتجاوز فى اي كلام على صفحتى بعد اذنه حاعمل بلوك —-     اخر بوست حاكتبه عن مسلسل الثمانية —    انا اسمى نشوى مصطفى —  ممثلة من 30 سنة —  مفيش حد سندنى ولا ادانى فرصة اكبر من اللي استحقها  يعنى عملت اسمى بمجهودى من غير مساعدة من حد —  عمرى ورا ضهرى مش قدامى —  يعنى لاحاجامل ولا حنافق حد  علشان يدينى فرصة تخللى الناس تعرفنى —   مادياً الحمد لله مستورة وربنا يديم عليا فضله —" 

وقالت " الهجوم عليا علشان باركت لزمايلى وعلشان قلت ان اي ممثل يتمنى يشتغل فى مسلسل الثمانية لانه فيه مخرج كبير ومؤلف مهم وانتاج عظيم  — مش فاهمة ليه ؟؟؟؟   حاقول لكم انا ليه —-   علشان باركت على مسلسل انتاج المستشار تركى الشيخ   —   انا لم اذكر اسمه فى البوست السابق   علشان ماحدش يقول بتطبلى وبتنافقى وبتجاملى  —  ومع ذلك اتهمونى انى بطبل مع ان المسلسل خلاص ادواره كلها اتسكنت وبيتصور خلاااااااص —    ياجماعة الراجل عمل فى بلده نهضة ونقلة مرعبة وعظيمة فى المجال الفنى والترفيه".

وتابعت "ايه المانع نستفيد منه فى الانتاج المصرى —    لكن نتكلم بموضوعية بقى  كده —  المسلسل انتاج سعودى ولكن 99 فى المية من العاملين فيه مصريين —     فيه زميل  واحد سعودى وزميل بحرينى —     اللي معترضين ان المستشار ذكر انه صاحب الفكرة -   الراجل قال انه اختار مؤلف مصرى يكتب معاه السيناريو والحوار  —   و قال انه اعتمد على فنيين اجانب فى الجرافيك والتصوير عملو اعمال عالمية —  يعنى انتاجياً حيتصرف بشكل كبير جدا على عمل فنى —  واحنا ليه نكره ان يكون فى عمل فنى مصرى متنفذ بشكل عالمى —   ياجماعة  نشجع مش نهاجم — ياجماعة الفن مالهوش وطن —  يارب المنتجين تكتر يارب الاعمال الفنية تزيد يارب الفن يجمع مش يفرق  يارب نتفرج الاول وبعدين ننتقد ونهاجم  خلينا متحضرين بقى —  والسلام عليكم ورحمة الله وبركاته".

وكان  المستشار تركى آل الشيخ، رئيس الهيئة العامة للترفيه، قد أعلن  عن انطلاق تصوير أول مسلسل من تأليفه والذى يحمل اسم "الثمانية"، وذلك بنشر صورة من أول يوم تصوير للعمل، حيث حرص آل الشيخ على مباركة أسرة المسلسل، على صفحته الشخصية بموقع التواصل الاجتماعى "فيس بوك".