حسام حبيب لنضال الأحمدية: "بلاش شغل تماحيك علشان مصر بلد فيها قانون"
الثلاثاء 29/يونيو/2021 - 11:12 م
يواصل المطرب حسام حبيب، زوج النجمة شيرين عبد الوهاب، توجيه رسائل إلى الإعلامية اللبنانية نضال الأحمدية، من خلال فيديوهات عبر حسابه الرسمي بموقع التواصل الاجتماعي "انستجرام".
قائلا لها: "مصر بلد كبيرة وفيها قانون، وإنتى بتحاولى تتمسحى فيها وتجيبى سيرتها، وسيرة حاجات كتير أشرف وأكبر بكتير إنها تيجى على لسانك".
وتابع: "بلاش شغل التماحيك، عشان مصر بلد كبيرة وفيها قانون، وصدقينى الدنيا كلها عارفة يعنى إيه مصر، والدنيا كلها عارفة إن مفيش حق مصرى بيضيع"، مضيفا: "أنا أول مرة أسمع عن أسلوب صحفى بتزقى فيه بنات يعملوا مكالمات مع ناس وتسميه صحافة استقصائية، ده اسمعه اتجار بالبشر".
وأضاف: "أنا منفتش.. لكن أنا أرجل وأنضف بكتير من إن أنفى، صوته أو مش صوته ميخصنيش، أنا يخصنى بيتى ومراتى وعيلتى فقط، إنما انتى عاوزه تجرى ورا مين، ورا حد بالاسم يقربلى لكن بالفعل لأ وده اللى انتى عارفاه كويس، لا بدافع عنك ولا عنه أنا قررت إنى أواجه الحقيقة بشجاعة وهقول للإنسان الأعور انت أعور فى وشه، وأوعى تفتكرى إنى هخاف من استقصاءاتك".
