الأربعاء 26 يناير 2022 الموافق 23 جمادى الثانية 1443
رئيس التحرير
حازم عادل

"وطيت على رجليها".. واقعة جديدة لتعرض فتاة للتنمر بسبب ملابسها فى طنطا

الثلاثاء 29/يونيو/2021 - 02:28 م
الفتاة نهال
الفتاة نهال

مر القليل على واقعة الطالبة "حبيبة طارق" المعروفة إعلاميًا بـ"فتاة الفستان"، وما حدث لها من المراقبات بجامعة طنطا، لتخرج الآخرى وهى  "نهال سليم"، طالبة بالدراسات الإسلامية فى جامعة الأزهر، بالعاشر من رمضان، وتكشف على موقع التواصل الإجتماعى "فيس بوك" عن تعرضها للإهانة من مراقبى اللجنة بسبب ملابسها.

تداول موقع التواصل الإجتماعى "فيس بوك"، واقعة جديدة عن تعرض طالبة بجامعة الأزهر بالعاشر من رمضان عن تعرضها للتنمر والإهانة من مراقبى اللجنة، وتحدثت "نهال" بشكل واضح عن ما كانت ترتديه من ملابس فضفاضة وليس مثيرة حتى يتم الهجوم عليها بهذا الشكل وأنها ممن يفضلوا ارتداء الملابس الرياضية.

وقالت الفتاة "نهال": " كنت بمتحن الماده السادسة من إسبوعين كده وكنت رايحه الجامعه بلبس سبورت اوفر سايز اتهزقت شويه على البوابه بس معرفش ليه المهم اخدت كلمتين واشطا وسكت.. ودخلت لجنتي وكان عندي معيده لابسه نقاب وأول ما دخلت وشافتنى قالتلى قومى ارجعى ورا مش طايقه اشوفك قدامي كل دا وانا لابسه الكمامه ويعتبر نايمه ع نفسي لحد ما الورق يتسلم راحت مزعقه فيا قولتلها نعم بتكلميني انا قالتلي انتي مشوفتيش منظرك قعدت امسح ف وشي شكيت ف نفسي قولت ممكن اكون حطيت ميكاب وانا بغسل وشي وبنزل اساسآ المهم قولتلها انا عملت ايه غلط قالتلي انتي بتبجحي قولتلها ما انا عايزه اعرف انا عملت ايه قالتلى " شكلك بيسيئ بسمعة الأزهر" انا اخدت الكلمه واتجننت سبتلها اللجنه وخرجت".

وتابعت نهال: "طلعت لصحبتى بحجة اجيب منها قلم لأني لو كنت فضلت مكنتش هتحكم فى أعصابي ةاول ما نزلت قالتلي خليكي برا فضلت حوالي 10 دقايق كل دا من الوقت اخدتني الكنترول وكلمت دكاتره تانيه كبار وكل دول عليا حوالي ساعة وهاتك يا سلخ وانا اتجننت ومبقولش غير انا عملت ايه مش فاهمه فين لبسي الوحش دا المهم عدي نص الوقت والناس بتخرج خلاص وانا كنت لسه داخله لجنتي كأنهم اتعمدو انهم يطولو ف الكلام علشان يعاقبوني دخلت اللجنه انهارت لحد ما كان خلاص فاضل نص ساعه واللجنه تخلص جتلي تاني المعيده دي وانا كنت منهاره وفتشتني تفتيش ف منتهي الخرا وانا خلاص خارجه وبمضي راحت حاطه رجليها ع الديسك اللي بنمضي عليه علشان انا اوطي وامضي عند رجليها كل دا مش المشكله ابدآ ".

واستكملت: "أنا لما روحت  بالمرة اللى بعدها استمرت بصات المراقبين ليا غريبه وبيقعدوني ف كرسي قدامهم بالظبط وبيفتشوني انا الوحيده حوالي 6 مرات المهم لما خرجت قعدت احكي لصحابي وانا مش فاهمه ف اي دخلت الماده اللي بعدها حصل نفس الموقف قولتلهم انا عملت ايه بتفتشوفني كتير ليه مراقبه جابتلي الورق وطلعو كاتبين ورقه كبيره جوا غلاف ورق الاجابه اسمي رباعي ومكتوب قصاد اسمي غشاشه انا شوفت الكلمه دي وكنت هتجنن خرجت من اللجنه روحت جبت دكتوره من ضمن الدكاتره الكبار اللي كانوا موجودين وسألت كل البنات اللي معايا ف اللجنه من سنه اولي قولتلهم انا عمري اتمسكت بغش قالوا محصلش جت الدكتور قالتلي ايوا ما دي كانت قرصة ودن ليكي واحمدي ربنا اننا مرفدنكيش خرجت من عندها روحت مكتب العميد السكرتيره قابلتني وسمعتني وكانت ذوق لحد ما كلمت الدكتور اللي عملت فيا كده قالتلي لو دخلت عند العميد هطلع مفصوله قولتلها ازاي اللي عندو الحق هو اللي يتفصل علشان انا طالبه وهي معيده وكل شويه حد يقولي هتترفدي رفد برفد بقي انا مش هسيب حقي..وانا لبسى اللى هزقونى عليه هو اللى لابساه فى الصورة". 

وقالت "نهال" أنها لن تترك حقها مهما تكلف الأمر معها أو عاد عليها بسوء قائلة : "كل شويه حد يقولى هتترفدي رفد برفد بقى أنا مش هسيب حقي ومافيش قانون فى الأزهر بيمنع دخول الجامعة ببنطلون ايآ كان نوعه" .





ads
ads
ما هو أفضل مشروع قومى فى مصر خلال الفترة الأخيرة؟

ما هو أفضل مشروع قومى فى مصر خلال الفترة الأخيرة؟