إيمان السيد عن ياسمين عبد العزيز: "بتفهم في الأصول.. ومش بوشين"
الأحد 27/يونيو/2021 - 12:45 م
وجهت الفنانة إيمان السيد رسالة إلى الفنانة ياسمين عبد العزيز لدعمها والتأكيد على اعتزازها بصداقتها.
ونشرت إيمان السيد صورة لياسمين عبد العزيز عبر حسابها الرسمي على موقع التواصل الاجتماعي "انستجرام" وكتبت: " مش هبالغ لو قلت أن ياسمين من أجدع الشخصيات اللي قابلتها، أنا معرفتي بيها داخلة على حوالي 14 سنة دلوقتي ( فترة طويلة اتغير فيها ناس كتير، وناس أكتر كانوا قريبين ومابقوش موجودين) وياسمين عمرها ما اتغيرت".
وتابعت: "طول عمرها جدعة وبنت ناس ومحترمة وبتفهم في الأصول، بتحب شغلها وبتحب كل الناس اللي معاها يطلعوا بأحسن صورة".
وأضافت: "وزي ما خالد الصاوي قال (وبضم صوتي لصوته : ياسمين عبد العزيز واضحة وصريحة ومش بوشين وما بتجاملش ودا أريح للناس كلها، حقيقي التعامل مع انسانة زي ياسمين مريح، خاصة لما تكون أنت كمان إنسان دوغري ومش منافق ومالكش في اللوع".
واختتمت كلامها: "ياسمين عمرها ما اتغيرت معايا في عز ما كان فيه ناس كنت فاكراهم قريبين مني وكانوا يقولولها: ما كفاية ايمان السيد بقى (وحتى دا عرفته من برة مش منها لأن طول معرفتي بيها عمرها ما قالت لي ولا قالت قدامي حاجة تضايقني)، ربنا يكرمها ويرزقها كل خير".
يذكر أن إيمان السيد شاركت ياسمين عبد العزيز في مسلسل "اللي مالوش كبير" الذي عرض في رمضان 2021.
ومسلسل "اللي مالوش كبير" من تأليف عمرو محمود ياسين، إخراج مصطفى فكري، بطولة أحمد العوضي، خالد الصاوي، دنيا عبد العزيز، دينا فؤاد، محمود حافظ ومحمود ياسين.
