"أنا ابن ناس وأهلي مربيني".. أول تعليق من أحمد فلوكس على تأييد حبسه سنة لسب ياسمين عزت

علق الفنان أحمد فلوكس على الحكم الصدر ضده بتأييد حبسه سنة بتهمة سب وقذف سيدة الأعمال ياسمين عزت.

وقال فلوكس خلال اتصال هاتفي ببرنامج "حضرة المواطن" مع الإعلامي سيد علي: "مش عارف ده ليه بيحصل معايا، لكن لا تعقيب على أحكام القضاء"، موضحًا أن لديه قضيتين مرتبطتين ببعض، واحدة تم حفظها، والأخرى صدر الحكم فيها اليوم.

وتابع: "الإعلام ليس لديه خلفية عن القضيتين، لأني أخذت عهدًا على نفسي ما تكلمش في أموري الشخصية"، وعن تأييد حبسه عامًا قال: "لسه مش تأييد حبس، هناك درجات تقاضٍ أخرى، أنا مش محبوس أنا في بيتي هي حملة موجودة عليا ولا شك كلها حبس".

وعن أزمته مع ياسمين عزت قال: "مفيش بيني وبينها قصة مش فاضي ليها ولا غيرها، أنا راجل معول رجعت لزوجتي وابني، عندي مسؤوليات، راجل مش فاضي، مش بحب المحاكم، أنا ابن ناس أهلي مربيني وأبويا وأمي تعبوا عليا".

وأكد: "علاقتي بكل الناس طيبة جدًا مش بسعى لشهرة مش محتاجها ولا عاوزها، هي مش مذيعة، وهي قضية شخصية مش هتكلم فيها دلوقتي، اللي عاوز يعمل شر بيعمله، ربنا كبير مش راضي لظلم حد، مش أنا اللي بجري للشر والقواضي، أنا أبويا وبيتي وأمي علموني كده، واللي بيعمل حاجة بيدفع تمنها".