عمرو مصطفى لـ محمد رمضان: مصر وأهلها مش في حاجة لفلوسك حل مشاكلك الشخصية بدون اقحام البلد

علق الملحن عمرو مصطفى، على أزمة محمد رمضان الأخيرة، والتى افتعلها بعد الحجز على أرصدته فى أحد البنوك تنفيذا للحكم القضائى الصادر ضده فى قضية الطيار أشرف أبو اليسر.

وقال عمرو مصطفى على صفحته الشخصية على موقع التواصل الاجتماعى "فيس بوك"،: "أنا خوضت مشاكل كتيرة جداً ملهاش قيمة.. في برنامج العرافة رمضان اللي فات طلعت وقدمت نصيحة لمحمد رمضان أنه يستفاد بتجربتي و يبطل مشاكل.. لكن للأسف النهاردة اتفاجئت انه بيقحم اسم "مصر" في مشاكله الشخصية عن طريق محاولة قلب الحقائق بفيديو يخص مشكلته "الشخصية" في التحفظ على أمواله.. غير تلميحاته بأن "مصر وأهلها" لو محتاجة فلوسي يتفضلوا أنا جاهز !!... لا يا رمضان مصر وأهلها مش في حاجة لفلوسك ولا لفلوس أي حد... بعد إذنك حل مشاكلك الشخصية من غير ماتدخل أسم بلدي في أزماتك... و الجمهور المصري اللي انت بتخاطبه بمشكلة شخصيه ده جمهور واعي جداً وينتمي لمصر أولاً قبل محمد رمضان أو أي فنان آخر... (الولاء الأول والأخير لمصر).. وأنا كشخص من القوة الناعمة اللي بتمثل مصر واجبي إني احذرك من اقحام أسم بلدي في أزماتك وواجبي أني أغير على بلدي أنا وأي حد بيحب البلد دي" .