ريهام سعيد لـ" حسن شاكوش": دورت عليك لقيتك من بولاق يعنى أجدع ناس وعيالي ماتحلمش تسلم عليهم حتي

شنت الإعلامية ريهام سعيد ، هجوم على مطرب المهرجانات حسن شاكوش بعد رفع قضية عليها قائلة " عيب.. لو انت زى ما بتقول شوفت حاجات ماينفعش تطلع تقول عليها .. أنا دورت على عنوانك علشان أرفع عليك القضية لقيتك من بولاق الدكرور من حارة صغيرة وبيت مالهوش نمرة يعنى جاى من حارة صغيرة من بولاق الدكرور".

وتابعت من خلال فيديو عبر صفحتها على موقع التواصل الاجتماعى  " ماينفعش أطلع اتكلم عن واحدة ست وعيالها .. الفيديو الوحيد اللى على صفحتك هو اللى عليه اسمى .. انا مغلطتش فى أخلاقك ولا أهلك أنا اتسألت سؤال ورديت عليه .. أنت غلطت فى شرفى .. وعيالى اللى جبت سيرتهم أنت ماتحلمش تسلم عليهم".

وقالت  موجه حديثها للمطرب حسن شاكوش" المحامى بتاعك ماقالش ليك إنتى لما أخد براءة هرفع عليك قضية تشهير وهكسبها وهاخد منها ملايين".