اشتباك بين ريهام سعيد والمخرج مجدي الهواري بسبب محمد سامي
السبت 15/مايو/2021 - 10:38 ص
هاجمت الإعلامية ريهام سعيد، المخرج مجدي الهواري، بعد تدوينة قام بنشرها عبر حسابه الرسمي بموقع التواصل الاجتماعي "فيس بوك" قال فيها: "عارفين المثل اللي بيقول لا يصح إلا الصحيح ولا ايه؟"، حيث اعتبرته ريهام بمثابة شماتة في المخرج محمد سامي بعد قرار الشركة المتحدة للخدمات الإعلامية بوقف التعامل معه.
وعلقت ريهام سعيد على تدوينة مجدي الهواري، قائلة: "بس مش انت اللي تكتب البوست ده لانه في الأخر زميل والزملاء يقفول جنب بعض مش يشمتوا في بعض".
ورد عليها مجدي الهواري في التعليقات قائلا: "مين الاخر ومين الزميل ومين اللي بيشمت.. اعتقد كلامك لحد تاني وفي مكان تاني وبالرغم اني مش محتاج ابرر ولكن.. انا سمعت الخبر من التعليقات ومش محتاج اقول المقصود الحقيقي من البوست اعتقد ان حلفاني يكفي ومش مضطر ابرر".
وتابع: "انا حر في ما أدونه على حسابي الشخصي ومش هخش ابدا في نوع من التريندات لاني مش من المدرسة دي خالص ولا من الناس اللي بتعمل كده وهتلاقي متابعيني واصدقائي شبهي ومحترمين زيي".
وأعلنت الشركة المتحدة للخدمات الإعلامية، أنه تم اتخاذ قرار بوقف التعامل مع المخرج والسيناريست محمد سامي عبد العزيز.
