رضا عبدالعال: الزمالك محتاج 10 صفقات ولا أفضل ضم الشناوى للأوليمبى
الأربعاء 12/مايو/2021 - 01:22 م
أشاد رضا عبدالعال، نجم الأهلى والزمالك السابق، بمحمود حمدى الونش مدافع الفريق الأبيض، وقال فى تصريحات إذاعية عبر برنامج اللعبة الحلوة الذى يقدمه خالد الغندور: "لولا وجود الونش فى دفاع الزمالك كان الفريق يشيل 4 أهداف فى كل مباراة لانه أحسن لاعب فى مصر.
وأكمل: "والزمالك محتاج 10 صفقات فى الصيف محتاج 2 ديفندر و 2 مساك وباك رايت ولازم يقول للفراودة بتوعه مع السلامة، ولازم الزمالك يرجع رزاق سيسيه وكمان مصطفى فتحى لانه بديل شيكابالا وميرجعش اوناجم تانى خالص ، ولازم يستمر أشرف بن شرقى وفرجانى ساسى".
وعن المنتخب الاوليمبى قال: "أرفض ضم محمد الشناوى فى اوليمبياد طوكيو، بعد كورونا مبقاش الشناوى وكده كده هنخسر البطولة وهنخرج يبقى محمد صبحى يلعب وأتوقع شوقى غريب يضم أحمد حجازى مع ان الونش أفضل".
وأضاف: "بدر بانون لاعب عادى وفى لاعيبة أحسن منه كتير مثلا أحمد بيكهام قده 100 مرة وحسين الشحات ضايع بس الاهلى مش هيمشيه عشان الفلوس اللى دفعها فيه، والاهلى اخطأ بإعارة أحمد ياسر ريان كان يشكل ثنائى رهيب مع محمد شريف".
واختتم تصريحاته: "الاهلى محتاج باك رايت ولازم يجيب بديل لأفشة ، لان ناصر ماهر بطىء ومينفعش بديل لأفشة، وأتوقع الاهلى هيقول لوليد سليمان شكرًا فى نهاية الموسم رغم تمديد تعاقده، وقولت لحسام عاشور متروحش حتة بعد الاهلى بس اصر واختفى فى الاتحاد السكندرى".
