مى عمر: 6 ممثلات رفضن دور "شهد" فى الأسطورة بسبب الحب من طرف واحد
الجمعة 07/مايو/2021 - 08:50 م
علقت الفنانة مي عمر، على اتهامها بأنها نجحت في عالم الفن في الواسطة، لأن زوجها هو المخرج محمد سامي، قائلة: "هيفضلوا يتهموني الاتهامات دي لأن بدايتي كانت معاه، بس هل اتهامي بالواسطة معناه إني مش بشتغل على أدواري؟! هل ده معناه إن أدواري مش بتنجح".
وأضافت عمر، خلال حوارها مع برنامج "العرافة" الذي يعرض عبر شاشة "المحور": "ممكن يبقى حد معاه واسطة والدور مينجحش، وأكتر دور الناس عرفتني بيه هو دور شهد في مسلسل الأسطورة، واتعرض على 6 ممثلات قبلي ورفضوه، وكانوا شايفين إن مفيهوش حاجة، لأنها طول الوقت كانت بتقول بحبك يا ناصر، رغم إنه محبهاش قبل كده وحب ناس تانية، والدور بالنسبة لأي ممثلة مكنش الدور اللي يحبوا يعملوه.
ولفتت، إلى أن هذا الدور كان فرصة كبيرة بالنسبة لها، كما أنها أحبته للغاية وتدربت عليه وحصلت على دروس تمثيل وقابلت بنات يعملن في مكتبات: "نزلت حارات واتكلمت مع البنات اللي بيشتغلوا في المكتبات، والحمد لله الدور حقق لي نجاح أكتر من اللي طلبته من ربنا".
ويعد برنامج "العرافة" امتدادا لبرامج بسمة وهبة الرمضانية والتي تعتمد على كشف أدق تفاصيل النجوم وخباياهم وإظهار الوجه الآخر لهم، مما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للفنانين.
