الإثنين 06 مايو 2024 الموافق 27 شوال 1445
رئيس التحرير
حازم عادل
فن وثقافة

نيللى كريم: منتج فيلم التوربينى قالى أنتى "مستهترة" ومرجعتش العربون

الجمعة 30/أبريل/2021 - 08:34 م
نللي كريم
نللي كريم

كشفت الفنان نيللي كريم، عن ترشحها قبل النجمة هند صبري لبطولة فيلم "التوربيني" ولكن حدث خلاف أدي إلى عدم مشاركتها في الفيلم، قائلة: "اترشحت لفيلم التوربيني وحضرت بروفتين وكان اخراج أحمد مدحت واشتغلت معاه بعد كده فى مسلسل اختفاء، ولكن مكناش نعرف بعض وبعدين بقينا أصحاب".

واضافت نيللي كريم، خلال حوارها ببرنامج "شيخ الحارة والجريئة" مع المخرجة ايناس الدغيدي، على قناة القاهرة والناس، أن المنتج هشام عبد الخالق كلمها وقال لها: "أنا عايز أقولك حاجة احنا مش عايزينك فى الفيلم وكنت مضيقة ووخدة عربون ومرجعتش العربون وقلت لهم مش هرجع العربون".

وتابعت: "المنتج قالي مش عايزينك علشان أنتي مستهترة ومقليش تفاصيل ومعرفش لحد دلوقتي السبب ومشيت من الفيلم والفيلم الحمد لله منجحش"، مؤكدة انه ليس من الافلام التي تغضب لعدم مشاركتها فيه كما أنها ليست على خلاف مع أيا من النجوم الذين شاركوا في الفيلم، والعربون حقها لأنهم هم الذين استبعدوها من الفيلم.