طبيبة مصرية عن أجور الأطباء: 19 سنة اذاكر واجتهد في شغلي ومرتبي 8 آلاف جنيه
تصدرت طبيبة عيون مصرية اسمها إسراء حسام، مواقع التواصل الاجتماعي، بعد منشورها عن أجور الأطباء، مستعرضه تجربتها الشخصية.
وقالت الطبيبة المصرية: أنا طبيبة مصرية عندي 33 سنة منهم 19 سنة بذاكر عشان اتخرج من كلية طب وبعدهم 6 سنين بذاكر عشان احصل على الحد الأدنى من الشهادات اللي امارس بيها طب العيون اشتغلت سنة كاملة ف الصعيد كنت بواصل الليل بالنهار عشان اشتغل و ارجع اذاكر و ارجع اشتغل
وتابعت: امتحنت الماجستير و كنت من أول 3 وحضرت رسالة الماجستير بكل اخلاص و امانه و احترام لأصول البحث العلمي واحترام للمريض وتحملت آلاف الالاف عشان اعمل كل شيئ بما يرضي الله بنزل شغلي 6 أيام في الأسبوع ببصمة حضور وانصراف من 8 سنين مفيش مريض مهما كانت صحتي أو نفسيتي أو ضيق وقتي قصرت فيه عن قصد
واستطردت: اشتغل في مكان حرفيا صرح يخدم مئات المرضى كل يوم و اجتهد على قدر استطاعتي انى أكون من الملتزمين المخلصين ولسه بذاكر كل يوم و بصرف من جيبي عشان اعرف وافهم واتعلم أكتر أنا مرتبي الشهري ٨ الاف جنيه ".
