رضا البحراوي: الليثي والأسمر إخواتي.. ومفيش خلافات
حرص المطرب الشعبي رضا البحراوي على توضيح حقيقة علاقته بعدد من زملائه في الوسط الغنائي، مؤكدًا أنه لا توجد أي خلافات تجمعه بكل من محمود الليثي وحمادة الأسمر، مشددًا على أن الجميع تربطهم علاقة أخوة ومحبة.
حقيقة الخلاف
و وجه البحراوي رسالة اعتذار إلى طارق عبد الستار، داعيًا إلى التسامح ونبذ الخلافات، ومؤكدًا أن السيرة الطيبة والمحبة بين الناس هما الباقيان.
وكتب رضا البحراوي من خلال حسابه الرسمي عبر موقع التواصل الاجتماعي فيسبوك، قال: الحمد لله والفضل والشكر لله وحده الذي انعم علينا بسلامة الصدر ونقاء السريرة فوالله ما اذيت أحدا ولا سعيت في ضرر انسان والحمد لله الذي جعل قلبي عامرا بالخير.
وأضاف البحراوي: انا حابب أوضح للناس كلها ان اخويا وحبيبي محمود الليثي واخويا حمادة الاسمر ابو ماسة ما فيش بينا أي عداوة احنا كلنا اخوات وكلنا راجل واحد.
وتابع البحراوي: ومحبتي لكل الناس في المجال وخارج المجال معروفة.. انا طول عمري بقف جنب الكل وبحب الخير لكل الناس ولا عمري حقدت على حد ولا بصيت لحد والحمد لله انا ماشي وربنا هو اللي ساندني وبوجه كلامي لكل زمايلي في المجال احنا كلنا اخوات لازم نحب الخير لبعض ونفرح لنجاح بعض لان الدنيا فانية والسيرة الطيبة هي اللي باقية.
واستكمل البحراوي: وخلوني اوضح ان كلامي ده نابع من ثقتي بنفسي ومن اصلي مش خوف من حد فالقوة من الله وحده.
وأختتم البحراوي: وفي الختام بوجه رسالة للاستاذ طارق عبد الستار وبقوله معلش يا حبيبي المسامح كريم وانا عارف انك خايف عليا وزعلان عشاني ومقدر جدا خوفك ده ومحبتك ليا وبقولك احنا كلنا اخوات وما فيش عداوة بينا والقلوب الصافية هي اللي بتبني وكل تقديري واحترامي ليك.. اخواتي وحبايب قلبي بحبكم في الله اخوكم رضا البحراوي.
