أحمد موسى: اللي نزلوا يحتفلوا بتأهل منتخبنا أكثر من اللي شاركوا في ثورة 30 يونيو
قال الإعلامي أحمد موسى: «إحنا أبطال وكتبنا التاريخ ونستعد لاستقبال منتخبنا حال خروجنا يوم التلات ولكن لدينا ثقة أن منتخبنا هيتأهل».
وتابع خلال تقديم برنامج على مسئوليتي، المذاع على قناة صدى البلد، «إحنا هنقابل بطل العالم عشان منضغطش على منتخبنا أكتر من كده».
وأضاف الإعلامي أحمد موسى: «عمرنا ما روحنا دور الـ 32 ولا دور الـ 16، وكانوا يقولوا هنرجع على أول طيارة وهنبقى حصالة المجموعة، ولحد امبارح بيتكلموا ويشككوا».
وأردف: خليكم مع منتخب مصر اللي بيدافعوا عن اسم بلدهم بعيدَا عن الأندية، وبالأمس نزل 30 مليون للشوارع وده أكثر من اللي نزل في 30 يونيو، ده العاصمة الجديدة امبارح كان فيها 50 ألف.
واختتم: العاصمة الجديدة والشركة المتحدة عاملين شغل عبقري في العاصمة وشوفنا مشهد عبقري يلف الدنيا كلها، وجايبين شاشة عملاقة تشوفها وأنت في المونوريل ومحدش معاه منها الشاشة دي.
