الراقصة دينا تحتفل بذكرى ثورة 30 يونيو: "ستظل رمزًا لإرادة الشعب"
حرصت الراقصة دينا على إحياء ذكرى ثورة 30 يونيو، والتي تتزامن مع اليوم، الثلاثاء، الموافق 30 يونيو وسط احتفالات كبيرة من الشعب المصري بهذا اليوم العظيم.
الراقصة دينا تحتفل بذكرى ثورة 30 يونيو
وكتبت دينا من خلال حسابها الرسمي عبر موقع تبادل الصور والفيديوهات القصيرة إنستجرام، قالت: ذكرى ثورة 30 يونيو ستظل رمزًا لإرادة الشعب المصري، وتحية تقدير لكل من ضحّى من أجل حماية الوطن.. كل عام ومصر بخير وأمان.
في سياق آخر، كشفت الراقصة دينا عن سر حفاظها على جمالها ورشاقتها وسر عدم ظهور علامات وآثار تقدمها في العمر مشيرة إلى أنها تتبع نظام غذائي وروتين يومي منذ الصغر.
وقالت دينا خلال مقطع فيديو"أسمع مع دينا" نشرته عبر حسابها على «إنستجرام»: «أحيانا بيقولوا حاجات تضحك، يقولوا أنتي كبرتي يا دنيا، هو انتي مبيبانش عليكي الكبر ليه؟ مبيبقاش فاهمة هو أنا كبرت ولا مبيبانش عليا الكبر، أنا مبتأثرش أوي عشان مضايقش اللي بيحبوني».
تابعت: «أنا كبرت بجد بس مبيبانش عليا الكبر بجد، لأن من وأنا عندي 15 سنة لحد النهاردة عمري ما نمت وفي وشي مكياج، ولازم احط كريم بليل وكريم بالنهار، وعمري ما استحميت و محطتش كريم للجسم، ولازم ألعب رياضة كل يوم، أو أرقص».
وأضافت: «مباكلش غير مرة في اليوم طول عمري، الصيام المتقطع اللي طالعين فيه دلوقتي أنا بعمله من وأنا 15 سنة، أنا مبحبش الاكل اوي، بحب نعمة ربنا، وكل أصناف الأكل إنما مفيش حاجة عندي أهم من نفسي، بالتالي بحافظ على نفسي إني أوصل لين معين وأنا محافظة على نفسي».
