إشادة خاصة من عمر كمال بـ محمود الليثي: هتعلم منه الالتزام قبل الفن

أشاد المطرب الشعبي عمر كمال بأخلاق الفنان محمود الليثي، حيث وجه له رسالة خاصة مشيدًا به وبالتزامه في عمله ومنزله.

إشادة خاصة من عمر كمال بـ محمود الليثي

وكتب عمر كمال من خلال حسابه الرسمي عبر موقع التواصل الاجتماعي فيسبوك، قال: "شهادة لله وأتحاسب عليها قدام ربنا.. لو شوفت مطرب ف المجال ده مستقيم وماشى بما يرضى الله فهو "محمود الليثى" لا سيجارة ولا كاس ولا بنات ولا سهر ولا عمره شوفته بيعمل شئ ممكن يخليه يتوه عن شغله وأكل عيشه و بيته وعياله".

أضاف: "ولو حبيت أتعلم منه حاجة قبل الفن فا هتعلم منه الألتزام وانى اعمل بيت وأسرة و أراعي ربنا فيهم".

عمر كمال يحتفل بعيد ميلاد محمود الليثي

في وقت سابق، حرص الفنان عمر كمال على الإحتفال بعيد ميلاد صديقه الفنان محمود الليثي، الذي احتفل به يوم، الجمعة، الموافق 12 يونيو.

ووجه عمر كمال رسالة لـ محمود الليثي، معبرًا عن مدى حبه وامتنانه له، وكتب من خلال حسابه الرسمي عبر موقع التواصل الاجتماعي فيسبوك، قال: أولا كل سنة وأنت طيب وكل سنة وأنت وسطنا وحبيبنا وبنكبر بيك ويخليك لينا ولبيتك وعيالك وجمهورك اللى بيحبك.

أضاف: ثانيا كويس ان فيه مناسبة عشان الواحد يديك حبة صغيرين من حقك.. محدش ف اللون الشعبى لا يجى جمبك ولا يتقارن بيك ونقول الأول محمود الليثى ونسيب 10 فراغات وبعدها نحط إسم حد 21 سنة اجتهاد ونجاح.

تابع: لو شلنا أغانيك من السماعة الغنا الشعبى بجد هيتأثر كتير من غيرك.. اى حد بيفهم مزيكا وعلم نغم.. عارف مدى تأثيرك وبصمتك ف اللون الشعبي وازاى قدرت تغير مقام الكورد وتعمل لنفسك طريقة غنا وازاى عملت لنفسك شارع بأسمك ف الشعبى.

استكمل: انت قيمة فنية كبيرة أوووى وحقيقى مش عارف قيمة نفسك ولا عارف حجمك.. وكتير بقولك انت الوحيد اللى مش عارف مين محمود الليثي.