رسالة حادة من هاني عادل لصناع الأفلام: «فين السينما اللي بتشغل الخيال والعقل؟»
وجه الفنان والمطرب هاني عادل رسالة حادة لصناع الأفلام، معبرًا عن استيائه من الأفلام المعروضة في دور العرض السينمائي والتي تدور قصتها حول أشياء متشابهة.
رسالة حادة من هاني عادل لصناع الأفلام
وكتب هاني عادل من خلال حسابها الرسمي عبر موقع التواصل الاجتماعي فيسبوك، قال: "مفيش أفلام مصري موجوده إلا كوميدي واكشن و اكشن كوميدي او رومانسي ملزق او كوميدي رومانسي، فين السينما يا جماعه ؟ ! اه والله فين السينما بتاعه الناس الحقيقيه ديه واللي بتعبر عنهم راحت فين حد يدور معانا طيب".
أضاف: "فين السينما اللي بتشغل الخيال والعقل كده وتبقي خارج من الفيلم مش عايز تكلم حد علشان تفضل في الحاله اللي حطك فيها، السينما بتتعمل للناس يا جماعه مش علشان متاخدش فرصه إلا في المهرجانات وبعض السينمات اللي بتحاول تساعد.. وطبعا طبعا فيه تجارب مستثناه ، بس النسبه صغيره اوي اوي اوي يا جماعه".
وفي وقت سابق، حرص الفنان والمطرب هاني عادل على توجيه رسالة للنقاد الفنيين من خلال منشور كتبه على صفحته الرسمية عبر موقع التواصل الاجتماعي "فيسبوك".
وعلق هاني عادل قائلا : "اي حد المفروض انه ناقد فني لازم يبقي مجرد تماما من ذوقه الشخصي ويركن علي جنب هو بيحب مين وبيكره مين علي المستوي الشخصي لأنك المفروض شايل مسؤليه ناس بتسمعلك لأنك بني ادم فاهم وعادل في حكمك فمينفعش كناقد فني تنزل لمستوي التلقيح والحدف بالطوب غير انك كناقد فني لازم تبقي بتقول حاجات ليا مقنعه انك فعلا دارس سواء بتكتب عن الأفلام او المزيكا مينفعش انك تكون بتتكلم عن ذوقك الشخصي التام في صوره محتوي المفروض انك توصل منه انك بتنقد مش بتحكيلي عن ذوقك".
أضاف:"وعلي فكره ممكن يبقي محتوي برضه بس متروجش لنفسك ساعتها انك ناقد.. ولما تشوف خناقه او ترند او اي حاجه من اللي بتحصل ملهاش علاقه بالفن أصلا متتكلمش عنها إلا علي صفحتك الشخصيه علشان تكون عادل وتستمر وتتصدق".
