«أغلى من الياقوت».. زوجة أحمد مكي تحتفل بعيد ميلاده بكلمات رومانسية

حرصت خبيرة التجميل مي كمال الدين على الاحتفال بعيد ميلاد زوجها الفنان أحمد مكي، الذي يتزامن مع اليوم، الجمعة، الموافق 19 يونيو. 

زوجة أحمد مكي تحتفل بعيد ميلاده بكلمات رومانسية

ووجهت مي كمال الدين رسالة رومانسية لـ أحمد مكي معبرة عن مدى حبها له، وكتبت من خلال حسابها الرسمي عبر موقع تبادل الصور والفيديوهات القصيرة إنستجرام، قالت: 19/06/1980 النهاردة عيد ميلادك (46) حبيبي كل سنه و انت اغلي من الياقوت.. انا مكنتش عايزة أكون أول حد يقولك كل سنة وانت طيب انهاردة عشان كل اول حاجة في حياتك كانت صعبة و مش حلوة وانت تعبت اوي بس ربنا يقدرني اعوضك و اسعدك. 

أضافت: بدعي ربنا أكون آخر حاجة في كل حاجة.. اكون مسك الختام حتي لو كنت اول حد ديما جنبك و معاك وبتمنى أكون آخر حب في قلبك حتى لو كنت أول حد عرفك معنى الحب والأمان. 

تابعت: و حبك حب غير مشروط و لاقي سعادته في ابتسامتك.. اول حد حبك اكثر من نفسه و خاف عليك اكثر من نفسه بس نفسي اكون اخر شخص دخل قلبك و اطمن له. 

استكملت: وآخر حد تكمل معاه وتلاقي فيه راحتك يمكن دي امنيه كبيرة.. ربنا يقدرني اعوضك و اسعدك بس دي الحقيقة اللي جوايا و بتمناها من ربنا. 

أختتمت: كل سنة وأنت طيب حبيبي و ابني الجميل، وكل سنة وأنت أغلى من الياقوت.. ويا رب تكون سنينك الجاية كلها رضا من ربنا، وفرحة، ونجاح، وراحة لقلبك و ينور بصيرتك، و يعوضك كل خير بكل الي مريت بيه.. بحبك يا كبير.