«خليك في حالك».. أبرز نصائح سيمون للابتعاد عن الضغوط اليومية
حرصت الفنانة سيمون على مشاركة متابعيها مجموعة من النصائح الحياتية التي ترى أنها تساعد على العيش براحة بال والابتعاد عن الضغوط والمشكلات، مؤكدة أهمية تطوير الذات واحترام الآخرين واختيار الأشخاص الإيجابيين في الحياة، وذلك تزامنًا مع احتفالها بعام جديد من عمرها.
أبرز نصائح سيمون للابتعاد عن الضغوط اليومية
ونشرت سيمون عبر حسابها الرسمي على «إنستجرام» رسالة مطولة قالت فيها: «إزاي تعيش مرتاح البال ومريح نفسك من المشاكل؟ الموضوع سهل وبسيط بس إحنا اللي مصعبينه على نفسنا، شوية أمور لو عملناها في حياتنا اليومية هتفرق كتير معاك ومع غيرك، تخليك في حالك وملكش دعوة بالكلام على الناس، احترم آراء الآخرين مهما كانت مختلفة عن رأيك، واحترم نفسك أولًا علشان الناس تحترمك».
وأضافت: «بلاش تدخل في جدال مع أي حد، وحاول تتكلم مع اللي فكره قريب منك علشان متتعبش نفسك، وابعد عن أي حاجة فيها وجع دماغ أو طاقة سلبية، لأن في النهاية مش مستاهلة. كمان حاول ترتقي بأسلوبك وفكرك، ومتخليش الاختلافات تأثر عليك، وركز على تثقيف نفسك وتطويرها من خلال المحتوى الهادف والمفيد».
وتابعت: «اسمع الموسيقى والأغاني الراقية، واقرأ كل ما يغذي فكرك ويضيف ليك، وابعد قدر الإمكان عن الأمور التافهة اللي ممكن تقلل من قيمتك أو تشوش تفكيرك».
واستكملت نصائحها قائلة: «اختار صحبة محترمة من أصحاب الأصول، وابتعد عن المنافقين وأصحاب المصالح، وحاول تستمتع بالأشياء اللي بتحبها، واشتغل في المجال اللي يناسب ميولك وشخصيتك بدل ما تقلد الآخرين، لأن النجاح الحقيقي بيكون للمجتهد والمبتكر».
واختتمت سيمون رسالتها بالتأكيد على أهمية التعامل مع الأشخاص الذين يقدرون المحبة الصادقة بعيدًا عن المصالح، قائلة: «اتعامل مع اللي يقدرك ويحبك لوجه الله، وأولًا وأخيرًا تقرب من الله واستعن به وتوكل عليه»، مرفقة المنشور بهاشتاج: «سيمون.. سنة جديدة من العمر المتبقي».
