عاجل| تحذيرات من التعامل مع الأهلي صبور.. وعملاء متضررون: دفعنا الأقساط ومستلمناش وحداتنا
نظم عدد من المتضررين من عملاء شركة الأهلي صبور وقفة داخل مقر الشركة ، للمطالبة بحقوقهم فى استلام وحداتهم ، محذرين من الشركة او التعامل معها بسبب تأخرها فى مواعيد التسليم للوحدات.
وقال أحد المتضررين من الأهلي صبور : لما أكون متعاقد مع شركه الأهلي صبور في مارس 2018 و موعد استلامي بناء علي العقد بتاعهم اخر 2022 و خلصت كل اقساطي تماما و هو واخد فلوسه علي داير مليم و احنا حاليا في يونيو 2026 والعمارة ما اتعملش فيها حاجة على الأرض و لما اجي اسال هستلم امتي يقولولي اخر 2027 " ده لو صدقوا في كلامهم " يبقي هل ده يرضي ربنا.
وتابع: تاخير 5 سنين علي الاستلام هل ده مقبول او منطقي !!! طيب مين يعوضني ال 5 سنين تاخير ده و مين يعوضني وقف الحال ده لما اجي انا او حد من الملاك نتكلم مع الشركه نلاقي عدم اهتمام و عدم تقدير وكأننا ضيوف تقال علي قلبهم و غير مقبولين ليهم ده انتوا يا شركة خيرنا عليكم احنا كعملاء و كملاك انتوا عايشين و بتقبضوا من فلوسنا و لما نطالب نقابل رأس الشركة او من ينوب عنه يرفضوا و يخلونا نقابل موظف لسه شغال من قريب.
وقال: أكبر غلطة الواحد عملها إنه وثق في اسم الاهلي صبور و اشتري معاهم ..يارتني كنت روحت اشتريت من مقاول عادي كان هيلتزم اكتر عن الاهلي صبور ".
وقال متضرر اخر: للأسف الشديد الشركه من 4 سنين بتأجل الاستلام باستمرار كل 6 شهور وإدارة الشركه وعود مفيش حاجه منها بتتنفز . ولما الملاك طلبوا يقابلوا صاحب الشركه طلبولهم الشركة والمصيبة الأكبر ان الشركه بتفتح التعاقد فى مشاريع جديده كان الشركه اصبح مجال عملها تحصيل شيكات المواطنين وليس التطوير العقاري".
