الغندور: "إكرامى على طول تريند وهو اللى عمل فى نفسه كده"

تحدث الإعلامي خالد الغندور، عن الخطأ الذى وقع به شريف إكرامى حارس مرمى الفريق الكروى الأول بنادى بيراميدز مع فريقه أمام الرجاء المغربى فى المباراة التى جمعتهما أمس الأحد بالجولة الثالثة من بطولة الكونفدرالية وانتهت بـ2-0.

وقال الغندور عبر برنامجه الإذاعى "اللعبة الحلوة" على إذاعة الراديو "أون سبورت إف إم": "شريف إكرامى على طول تريند عشان صلة القرابة برمضان صبحى، وطبعا رمضان مشى من الأهلى والأهلاوية زعلانين، بس بصراحة شريف نفسه مش مخلى الناس تهدى عليه، كل شوية يديهم خطأ يخليهم يسخنوا عليه أكثر".

وتابع: "لما شريف إكرامى راح بيراميدز وضع بند فى عقده أنه هيلعب أساسى حتى لو أخطأ فى مباراة أو لعب بطريقة وحشة، وده أمر أغضب المهدى سليمان وثار وخرج عن النص زى ماشوفنا، فى المقابل أحمد الشناوى ساكت مع أن الشناوى حارس كبير ودولى ".

وعن تعادل الأهلى أمام المريخ قال: "المريخ أضعف فريق فى مجموعة الأهلى بس عمل مباراة مميزة للغاية، ولكن شخصية البطل ظهرت فى السودان وحقق الأهلى تعادلا مهما فى اللحظات الأخيرة".

وبخصوص عقد فرجانى ساسى قال: "لازم الناس تعرف أن فرجانى ساسى عقده هينتهى فى يونيو مش نهاية الموسم عشان الدورى ومكمل وهو عقده ينتهى فى يونيو المقبل".