“معايا ورق يثبت الحقيقة”.. سعد الصغير يرد بقوة على أزمة شمس
خرج الفنان سعد الصغير في مقطع فيديو يوضح فيه حقيقة ما أثير مؤخرًا حول علاقته بالراقصة شمس، مؤكدًا أنه لم يتزوجها كما تم تداوله، وأن كل ما يُقال في هذا الشأن غير صحيح.
“معايا ورق يثبت الحقيقة”.. سعد الصغير يرد بقوة على أزمة شمس
وقال في لقاء تلفزيوني سابق: متجوزتش راقصات ودي المفاجأة واثبتها لحضرتك بالورقة والقلم، شمس دي رقاصة انا متجوزتهاش.
وعرضت المذيعة فيديو منافي لحديثه، حبث قال خلال هذا الفيديو: أه شمس كانت في الحلال.
وأضاف: “واحدة بتعيط واخواتها ضربوني ف طلعت قولت كده أن هي ف الحلال لكن لا في ورق ولا في جواز ولو في ورقة وانا قطعتها مش في شهود في محامي هما فين؟”.
وأضاف: “انا مينفعش اتجوز رقاصة هي تطلع بقا تثبت معاها ورق لا هتقول اصل الورقه اتقطعت كان في شهود والمحامي هي مكنتش في الحلال ولا الحرام”.
وأضاف: “انا وقعت مع ناس ميعرفوش ربنا، يعني أنا اوطي ابوس رجلها ع الأرض اي قمة الذل ده استغفر الله العظيم يارب، ده لو انا عملت كده مفروض انتي تقوليلي عيب لو انتي بنت ناس”.
وأضاف: “شمس مش مراتي، كل ده كدب انا مخطفتش حد الموضوع كله طفله صغيره شمس اتبنيتها من الدار بتاخدها خميس وجمعه راحت واخده البنت وسافرت قعدت خمس سنين الدار طبعا فين البنت في تفتيش رفعو قضية على شمس خدت 10 سنين حبس ومعايا ورق وإثبات على الكلام ده لو في حاجة غلط في الورق ده ارفعو عني قضية”.
وأضاف: “كانت معايا قبل رأس السنة بيوم بتثبتني علشان عاوزه مليون ونص مرضتش اجيب المليون ونص”.
وأضاف: “عرضت عليها اكتب اسم البنت باسمي لله ”.
واختتم حديثه مؤكدًا استعداده للمساءلة القانونية في حال وجود أي مستندات تثبت عكس ذلك.
