"بقت مهمة عشان ماتت".. رسالة نارية من ريهام سعيد بعد رحيل الفنانة سهام جلال

أعربت الإعلامية ريهام سعيد عن حزنها العميق بعد وفاة الفنانة سهام جلال، مشيرة إلى شعورها بالاستياء من الاهتمام الكبير الذي حظيت به الراحلة فقط بعد وفاتها في حين أنها لم تحظَ بالدعم الكافي عندما كانت تبحث عن فرص جديدة .

وكتبت ريهام عبر حسابها الرسمي "فيس بوك": “دلوقتي بقت مهمة وأخبارها في كل مكان عشان ماتت خلاص، ففي حاجه نتكلم فيها ؟؟؟ عشان هنصور الجنازة و العزاء وهيدخل لنا دولارات؟؟؟؟ ياما كانت عايزة تظهر وفيديوهات وسوشيال ميديا وبتحاول تقول أنا أهو.. بس للأسف التمثيل بالذات الناس بتتفق مين يشتعل ومين يقعد في البيت”. 

وأضافت" طلبت المساعدة من الزملا وهي عارفة إنه محدش بيساعد غير لو في مصلحة، بقت مهمة وأخبارها كتيرررر بعد ما ماتت، بقت مهمة عشان ماتت، لكن وهي عايشة وسطينا بتحاول تقول أنا موهوبة وموجودة، ومحدش عبرها، وخصوصا إن اللي بيشتغل شغلنا ده مابيعرفش يشتغل حاجة تانية.. لازم نموت عشان نقدر، لازم نموت عشان نقدر.

واختتمت: "ياما خرجت محدش صورها بس دلوقتي ملمومين حوالين نعشها عشان يتسابقوا يصوروها وهي جثة.. في رخص كده؟ الله يرحمك أكيد روحتي للأحسن والأعظم والأرحم".

علي جانب آخر تستعد أسرة الفنانة سهام جلال لاستقبال عزائها غدًا الأربعاء من مسجد حسين صدقي بالمعادي، وذلك بعد رحيلها عن عالمنا صباح اليوم، الثلاثاء، الموافق 2 يونيو عن عمر يناهز الـ 54 عامًا.

موعد ومكان عزاء الفنانة سهام جلال 

وكتبت منة جلال شقيقة الفنانة الراحلة من خلال حسابها الرسمي عبر موقع التواصل الاجتماعي فيسبوك، قالت: عزاء الفنانة سهام جلال غدا الأربعاء مسجد حسين صدقي المعادي.