مصدر فخر لمصر..يسرا توجه رسالة دعم لمحمد صلاح بعد نهاية رحلته مع ليفربول

حرصت الفنانة القديرة يسرا على دعم قائد منتخب مصر ونجم ليفربول الإنجليزي السابق محمد صلاح الذي أنهى مؤخراً مسيرته الكروية مع فريق ليفربول الإنجليزي، وذلك من خلال رسالة مؤثرة مشيدة بموهبة صلاح الاستثنائية، ووصفت إياه بـ النموذج الذي يحتذى به في الالتزام والاحترام.

ونشرت يسرا صورة تجمعها بمحمد صلاح من خلال حسابها الرسمي "فيس بوك" وكتبت "بعيدًا عن كل النجاحات والأرقام والإنجازات اللي العالم كله شايفها، أنا حابة أقول لك إن أكثر شيء مميز فيك هو شخصك الطيب الجميل … إنك إ فريد واستثنائي فعلًا، بموهبة كبيرة، لكن بقلب أكبر، وبحضور يخلي أي حد يعرفك يفتخر بيك أكتر".

وأكملت "رحلتك مع ليفربول كانت رحلة عظيمة بكل معنى الكلمة، مش بس لأنك صنعت فيها تاريخ، لكن لأنك كنت دايمًا مثال يُحتذى به في الالتزام، في الاحترام، وفي إن النجاح الحقيقي عمره ما غيّر في أصلك ولا في تواضعك".

وأضافت "أنت مش بس مصدر فخر لمصر، أنت واحد من رموزها اللي بنعتز بيهم بجد… وكل خطوة نجحت فيها كانت فرحة لناس كتير، وأنا واحدة منهم ". 

واختتمت " ببارك لك على انتهاء فصل مهم واستثنائي من رحلتك، ومتأكدة إن اللي جاي هيكون أجمل وأكبر، لأن الناس اللي زيك ما بتقفش عند محطة… هي دايمًا بتكمل وتبهر ، ربنا يوفقك في كل خطوة جاية، ويفضل نجاحك دايمًا على قد تعبك وقلبك الجميل ، بنحبك يا مو". 

في سياق آخر كان تحدث محمد صلاح نجم منتخب مصر على وداعه لفريق ليفربول الإنجليزي، بعد انتهاء مشواره معه بشكل رسمي ورحيله عن صفوفه استعدادًا لخوض تجربة جديدة من ناد آخر.

وفي تصريحات عبر  شاشة قناة بي إن سبورت قال محمد صلاح: الحمد لله أنهيت مشواري مع ليفربول بشكل جيد.. حققت كل حاجة وطالع والناس فخورة باللي أنا عملته.

وأضاف صلاح: وضعت ليفرول تاني في المكانة اللي يستحقها بين الكبار.. واليوم الأخير لي مع ليفربول كان صعب علي نفسيا.

وأردف: عشت مع ليفربول 9 سنين كانوا أحسن أيام شبابي.. حققت كل حاجة مع ليفربول مفيش حاجة أحلم بيها أكتر من كده.

وتطرق صلاح للحديث عن مستقبله قائلا: لسه هشوف معايا وقت دلوقتي.. لو فيه حاجة كويسة قبل كأس العالم هقرر.. لو مفيش هاخد قراري بعد المونديال.

واختتم صلاح تصريحاته مؤكدًا أنه يتمنى أن يكرر لاعبين مصريين آخرين ما حققه في ملاعب أوروبا، وفي هذا الإطار قال: عندنا مواهب كتير محتاجين فرصة واجتهاد واستعداد للتضحية بشبابهم علشان يوصلوا لحاجة كويسة.