التوكيل ما فيهوش قطع الغيار".. تزايد الشكاوى والتحذيرات من شراء سيارات بايك بلس "Baic U5 plus"
حذرت سيدة من شراء سيارات Baic، بعد عرض تجربتها الشخصية مع السيارة والتوكيل.
وقالت صاحبة المشكلة عبر حسابها: ده بوست تحذيري لاي حد كان بيفكر يشتري عربيه BAIC عندي مشكلة مع توكيل بايك اشتريت عربية Baic U5 plus 2026 واستلمتها في شهر ديسمبر وبعدها حصلي حادث في ٧فبراير تاني يوم اتوجهت لفرع ابورواش وعملت مقايسة وبلغوني ان قطع الغيار غير متوفرة ولما تتوفر هيكلموني بلغوني قبل اجازة عيد الفطر ان القطع وصلت سلمتها بعد انتهاء اجازة العيد مباشرة يوم 24 مارس على ان يتم التسليم خلال 45 يوم عمل وبالقرب من انتهاء المدة المحدده تم ابلاغي ان في قطعة غيار غير متوفرة ( الدنجل الخلفي) بالرغم من انها مثبته في المعاينه وكان المفروض انها مطلوبه مع باقي القطع!
وتابعت: بلغوني انها هتتوفر خلال شهرين (والبلاغ ده كان بعد محايلات مني بالتواصل مع مهندس مسئول واسلوب بشع من العاملين بفرع ابو رواش)حاولت اتواصل مع وسائط كتير جدا عشان اعجل بالموضوع والحل بعدها من اسبوعين تم ابلاغي ان القطعة اتوفرت وهنبدأ في الاصلاح وتم تحديد اكتر من موعد لابلاغي بموعد استلام العربية.
واستطردت:ليتم ابلاغي الاسبوع الماضي ان الدنجل الموجود مش نفس موديل عربيتي ! وان الشحنة الجاية هتكون في نص شهر 6
وبعد معاناه ان كل الفترة دي انا بتحرك باوبر وعايزة تعويض تم ابلاغي هنسلمك عربية تمشي بيها وكان موعد تسلميها النهاردة اتفاجئ لا معلش اصل حصلت مشكلة واللي كان بيوصل العربيه في ظابط وقفه وسحب منه الرخص ومش هنقدر نسلمك هنحاول تاخديها يوم الاحد القادم هل طبيعي ومنطقي كل اللي بيحصل دا! حقيقي توكيل لا انصح بيه لاي حد بيفكر يشتري.
شكاوي جديدة من سيارة بايك
يذكر أن هذه ليست الشكوي الأولي من السيارة بايك، فقد حذر مواطن من سيارات بايك وخاصة بايك U5 بلس ، بعد تجربته مع السيارة وعيوبها ، مستعرضا مشكلته قائلا: خلاص غُلب حماري حرفيًا لأني اشتريت عربية بمليون جنيه وبايظة دون وجود اي بوادر لحل الأزمة من التوكيل ..شهر ١١/٢٠٢٦ اشتريت عربية بايك U5 بلاس من فرع بايك لألكان أوتو في التجمع الخامس واستلمتها من فرع الشيخ زايد.
وتابع: وفي يوم ترخيص العربية ( اللي هو اول يوم اتحرك بالعربية ) زجاج سيارة السائق أتعطل والحقيقة فضلت في الشارع حوالي 3 ساعات مش عارف اسيب العربية وامشي لحد ما بجرب قفل معايا حجزت الصيانة وروحت فرع الشيخ زايد ومنها تم توجيهي إلى ابو رواش علشان اقعد ٥ ساعات وفي الاخر يتم إبلاغي الجهاز غير متوفر
واستطرد: بعد اسبوع تم إبلاغي بتوفر الجهاز وروحت وركبت الجهاز والحمدلله .. اقل من شهر وحصل نفس العطل في زجاج السيارة علشان الف نفس اللفة بالظبط من الشيخ زايد لابو رواش .. كمان اسبوعين وللمرة التالتة يحصل نفس العطل ..ولكن المرة دي تم إبلاغي ان ده عيب في ضفيرة الكهربا وهي اللي بتحرق الجهاز .. الضفيرة دي غير متوفرة دلوقتي هتكون متوفرة بعد العيد مباشرةً ( عيد الفطر )
واستطرد: استنيت بعد العيد شهر كامل لحد شهر ٤ ومحدش عبرني طبعًا .. تواصلت معاهم وكان الرد معلش شهر كمان .. لحد ما من أسبوع سمعت اغرب رد ( الجهاز موجود ومتوفر لكن ضفيرة الكهربا هي المشكلة لانها ممنوعة من دخول مصر !!! ) فهنحاول نحل ان شاءالله
وتابع عن مشكلته مع سيارة بايك U5 بلس : استنيت اسبوع كمان ومفيش رد .. آخر خطوة كانت من ٣ ايام .. عملت شكوى اخيرة في الكول سنتر لان معظم المحادثات السابقة كانت واتس اب .. وكان الرد حد هيكلم حضرتك بكرة ( الاربعاء ) متقلقش .. وطبعًا محدش تواصل معايا
واختتم مشكلته مع سيارة بايك U5 بلس ، قائلا: حضرتك مدخل عربية مصر وانت مش عارف تدخل قطعة اساسية في كهربا العربية وبتبيع وللاسف أنا واحد من المتضررين والله اعلم فيه غيري ولا لا إلى جانب شاشة العربية اللي بتفصل يوميًا تقريبًا في اي مشوار بس ده موضوع تاني .
