أحمد فتحي لـ«مصر تايمز»: "اللعبة" أكبر نجاح عشته في حياتي الفنية
تحدث الفنان أحمد فتحي عن النجاح الكبير الذي حققه مسلسل "اللعبة"، مؤكدًا أنه من أهم الأعمال التي قدمها طوال مشواره الفني، سواء على المستوى الفني أو الجماهيري.
"اللعبة" أكبر نجاح عشته في حياتي الفنية
وقال أحمد فتحي في تصريح خاص لـ«مصر تايمز»: "الواحد عاش حاجات كتير ونجاحات كبيرة في السينما والتليفزيون، وطبعًا من خلال المسرح، لكن أكبر نجاح أنا عيشته، ومتهيألي كل الممثلين النجوم الكبار قالوا إنه من أهم المصنفات اللي عملناها في حياتنا، هو مسلسل 'اللعبة'."
وأضاف: "المسلسل أكثر من رائع، والناس بتنتظره بالسنتين والتلاتة، وكل سؤال بنتسأله على مدار الأيام كلها هو: الجزء الجديد من 'اللعبة' إمتى؟ والتفاعل الكبير من الجمهور على مدار التلات سنين اللي فاتوا وسؤالهم المستمر عن المسلسل، ده كرم كبير من ربنا."
وتابع أحمد فتحي حديثه قائلًا: "اللعبة تظل شخصيته متفردة عن كل اللي بنشوفه، وكل الأجزاء فيها تنوعات على نفس اللحن، لكن إحنا بنغير ونجدد، مش في العلاقات، لكن في المسابقات والألعاب."
واستكمل: "على المستوى الفني، ده من أهم الحاجات اللي عملناها، وإزاي نشتغل على شخصية يطلع منها الكوميديا، مش أحمد اللي بيقول، لأ ده سعدون هو اللي بيقول بتفاصيله وطريقته."
واختتم تصريحاته قائلًا: "وعلى المستوى الشخصي، الشخصية أسعدتني جدًا أكتر من أي عمل في مسيرتي الجماهيرية."
