عاجل | "عايز أجيب حق بابا".. شركة يونيون إير تطرد عدد من العمال.. ونجل أحدهم: "مشوه ومخدش حقه"

استغاث طالب يدعى يونس هشام من شركة يونيون إير، بعد طرد والده وعدد من العاملين من الشركة.

وقال الشاب عبر صفحته على موقع التواصل الاجتماعي: السلام عليكم، أنا اسمي يونس هشام، أنا في الصف الثالث الإعدادي، بابا اسمه هشام يونس، هو كويس جدًا وطيب وراجل بجد وجدع، محتاجكم تساعدوا بابا عشان أجيب حقه.

وتابع: "بابا شغال في شركة يونيون إير، تم طرده هو وصحابه ومخدوش حقهم، أنا مضايق جدًا عشان بابا، هو ما يستاهلش كده، هو بيعمل كل حاجة عشاني أنا وأختي. ممكن اللي يشوف البوست ده يعمل شير، عايز أجيب حق بابا، أنا مش هينفع أحط رقم بابا عشان ما يزعلش مني، مع إنّي عارف إنه هيزعل من اللي أنا كتبته. اللي عايز رقم بابا يبعت لي على الخاص، والنبي ساعدوني أجيب حق بابا".