مي فاروق تنتقد الوسط الفني: "مجال كله شلل وياريتني ماغنيت"

عبرت المطربة مي فاروق عن غضبها الشديد، من الوسط الفني، والطرق والوسائل التي يسلكها البعض من أجل الصعود وتحقيق النجاح.

وكتبت مي عبر حسابها الرسمي بموقع التواصل الاجتماعي "فيس بوك": "أنا بحب الغناء أوي، ويمكن كلكم عارفين من امتى بدأت، ولو النهاردة واحد بس عارف مي فاروق، فده بفضل ربنا ووقفة أهلي ورايا طول عمري".

وتابعت: "لا ليا شلة ولا صاحبة ده ولا بتقرب من ده عشان حاجة، كل محاولاتي كنت فيها أنا، لا فلان سندني ولا علان كان له فضل عليا، بس أحب أقول لكم إني زهقت جدا، والمجال ده محتاج شِلل وصحوبيات، وأنا مش في الحتة دي، ومبعرفش اتقرب من حد عشان مصلحة، وطول منا كدة، مش هقدر أوصل للي أنا عايزاه".

وأضافت: "ساعة الجد أنت اللي بتسعى، وكمان بتحبط وأنا مفروض قوية ومش بستسلم ببساطة، بس أنا قرفت وزهقت وقربت أكره الغناء نفسه اللي ربنا ميزني بيه، وبفكر جديًا أبعد عنه تمامًا، لأني فعلا زهقت جدًا، وياريتني ما حبيت الغناء من صغري ولا كان ليا في أصلا".