عمرو أديب: لا أحد سيكرر تجربة هاني شاكر الفنية والإنسانية

نعى الإعلامي عمرو أديب الفنان القدير هاني شاكر، الذي وافته المنية اليوم، قائلا: كانت أخلاقه عظيمة الابتسامة لا تفارق وجهه ومتواضع جدا ومفيش على لسانه غير حبيب قلبي.. كان أنيقا وأحسن واحد فينا كان أمير ونجم بجد.. نموذج للتواضع والصبر على المعجبين.

وفاة هاني شاكر

وأضاف أديب: خلال برنامجه “الحكاية”: حدث الأمر الرزل بتاع الدنيا إن الإنسان اللي انت بتحبه فجأة يختفي، هي حكمة ربنا، لكن إن إنسان يبقى معاك ملء السمع البصر فجأة يمرض فجأة يموت!.. يعني إي هاني شاكر يبقى مش موجود، يعني إيه أروح للمكان اللي كنا بنقعد فيه وملقهوش.

وتابع أديب: فرحي وفخري الوحيد إن أنا كنت اعرف قامة كبيرة في العالم العربي كان عنده كمية عزة وكرامة حاسس بنفسه عمري ما حسيت للحظة إن هاني شاكر معندوش إحساس بقيمته، مشيرا إلى أن  بداية حياته لم تكن سهلة: «كان طالع قدام عبدالحليم حافظ اللي هو وقت ما ينفعش حد يبقى نجم مش هتلقى حد في الوسط الفني ميبحبش هاني شاكر لأنه عمره ما كان عنده عداوة مع حد ولا نفسنة من حد ولا خد لقمة حد في وسط فيه كل الكلام».

وواصل: كان نقيب لكل الناس اللي بتغني سنين طويلة.. سيادة النقيب كان محبوب من الوسط الفني كل الناس تحب تقرب منه.. وأضاف أديب: لو عايز أكلمك عن صوت هاني شاكر فهو معروف وأغنايه معروفه وترن في الودن من المحيط للخليج.

وأكد: غنى أغانيه الوطنية الجميلة.. كان يعشق مصر، متابعا: في ناس بتزعل لما أقول مش هييجي زيه تاني، الناس مبتكررش وهاني شاكر مش هيتكرر ولا حد يبقى زيه ولا حد هيغني زيه ولا الطريقة اللي كان بيغني بيها.