فرح شعبان بعد الانفصال عن علي غزلان: مش هحرم ابني من أبوه.. والمودة بتحكم علاقتنا| فيديو

قالت الإعلامية فرح شعبان، إن علاقتها بطليقها علي غزلان طيبة، معلقة: علاقتي كويسة مع الناس، ربنا مأرادش إن الموضوع يستمر، لكننا أصدقاء الحمد لله.

وتابعت الإعلامية فرح شعبان، خلال مداخلة هاتفية مع الإعلامية نهال طايع ببرنامج تفاصيل المذاع على قناة صدى البلد 2، أنها سافرت عقب قرار الانفصال عن علي غزلان، مضيفة: كنت حابة احتفظ بقرار الطلاق، ولكن بعدين قررنا نعلن.

وذكرت: ربنا أراد الانفصال الناس زعلانه عشان بيحبونا الحمد لله رب العالمين، وصلنا لهذه النهاية والحمد لله مفيش إنسان كامل أكيد كنت مقصرة وكنت كويسة في حاجات تانية زي أي زوجة.

وردت على تساؤل أنها لا تعرف في الطهي، قائلة: أكيد دا مكنش سبب الانفصال، مضيفة: أنا مبدخلش في مشاكل مع حد ودا مش شخصيتي والاتفاقات اللي بنا ترضي جميع الأطراف.

وذكرت: ابقى إنسانة مش سوية لو حرمت ابني من أبوه، في أول مرة انفصلنا قعدت 4 شهور وبعدين رجعنا لبعض تاني وفي تاني مرة كانت شهور قليلة، وربنا يهون الأيام بإذن الله.. ادعولنا بالخير وربنا يهون علينا وربنا مش هيسبنا والحمد لله.