"إسراء عماد جديدة".. شاب يشوه فتاة رفضت خطبته فى مطروح

فى واقعة متشابهة مع حادث تشويه الفتاة "إسراء عماد"، وطعنها وإصابتها بعاهة مستديمة، تكررت الواقعة فى محافظة مطروح بعدما أقدم شاب على التعدي على الفتاة "أمل" بساطور فى الشارع بعدما رفضت خطبته لها. 

وتداول رواد موقع التواصل الاجتماعي "فيس بوك"، قصة الفتاة "أمل"، 16 عامًا، وصور لإصاباتها بكسور وجروح باليد السيري وجرحين قطعيين بفروة الرأس نتيجة تعدي من أحد الأشخاص بالشارع.

ونشرت أماني رشدي، على موقع التواصل الاجتماعي "فيس بوك"، قصة الفتاة "أمل" قائلة: "جريمة جديدة من جرائم الخارجين عن القانون.. أراد خطبتها فرفضت فكان العقاب التشويه.. حرام بنت لسه في أولى ثانوي يحصلها كدا لسه طفلة يحصلها كدا ليه".

 

وتابعت "أماني": "القصة الحقيقية اللي حصل بناء على رواية أم أمل.. المجرم كان عاوز يخطبها وأهلها مش موافقين ولا البنت حتي وكل متعدي من الشارع يقولها بحبك وهي مش بترد عليه.. ويوم الحادثة هي كانت راجعة من درس لقيته واقف على أول شارعها وإيديه وراه وفضل يقولها تعالي عدي من هنا وهي بردو مردتش عليه ولفت من شارع تاني على أساس متحتكش بيه ولا يكلمها".

وأضافت: "لف وراها وضربها فى دماغها بالساطور وهو بيقولها أنتي جايلك عريس لفت تشوف مين ضربها راح ضاربها فى حاجبها زي ما أنتو شايفين فى الصور.. لفت عشان تجري ضربها تاني ع دماغها من ورا حطت إديها وهي بتجري على راسها ضربها على إيدها قطعها بالطريقة البشعة دي.. وكل دا وهو بيضربها بيقولها علشان لا تكون ليا ولا لغيري ولو كنا فى مكان غير دا كنت دفنتك وأمك نفسها مكنتش هتعرفلك طريق أهل.. أمل محتاجين كلنا نقف جمبها ونوصل صوتهم واحنا قدها جيبو حق أمل".