عاجل.. عميل يحذر من التعامل مع توكيل سيارات جيتور فى مصر: "غير مؤتمن"

حذر عميل من التعامل مع توكيل شركة جيتور فى مصر ، مستعرضا تجربته مع التوكيل وما حدث بسيارته.

وقال صاحب المشكلة مستعرضها على حسابه بموقع التواصل الاجتماعى: توكيل جيتور المحترم استلم العربية سليمة ، بيسلمني العربيه الفتيس فيها بايظ ..روحت اعمل صيانة ال 120 الف ، وانا بعمل الصيانة قالي ده الفتيس بيجيب زيت من عند اولسيه الكوبلن ، وعايزين نغير قاعدة موتور و تيل امامي ، قولت له تمام مفيش مشكلة ، قالي تستلم بعدها بيومين ، روحت استلمها يوم الخميس ، قالي مش هقدر اسلمك العربية عندنا مشكله ان المهندس المسؤل عن السوفت وير مش موجود ، والعربيه بترزع لما بتحيب ال R السبت تستلم ، من يوم 25 / 3 لحد 4/4 قاعد من غير عربية.

وتابع: كلموني وقالو تقدر تستلمر كنا بنظبط ال calibration بتاع العربية والعربيه خلصت خلاص ، روخت استلمت العربيه ، محستش بمشكلة اووي ، بعد ما مشيت من التوكيل بمده لاتزيد عن 30 دقيقه ، بركن في جراج المول ، الاقي النتشه والرزعه في ال R ظاهره وبوضوح ، كلمت المهندس قالي هاتها بكرا نبص عليها.

واستكمل صاحب المشكلة مع توكيل جيتور: روحت التوكيل وسلمت العربيه ، ووصفت المشكله ان العربيه بقي فيها delay في ال R و ونتشه خفيفه الصبح والعربيه لسا. بارده ، ولما العربية تسخن النتشه تزيد جدا ده غير ال Delay ..قولت ليهم ده ال Valve body بتاع الفتيس بايظ ، وانتم لعبتو في السوفت وير عشان تعملو Delay عشان محسش بالنتشه ، وبعد ما اعدي ال ١٥٠ الف انا الي ادفع ثمن ال vale body

وتابع: والعربيه داخلة التوكيل يوم ٢٥/٣ مفيش اي مشكله عندي في الفتيس ، صيانات العربيه لحد ال ١٢٠ في التوكيل وبعد الكشف علي العربيه لمده لا تقل عن اسبوع ، كلموني وقالو لي المشكله فعلا ان ال Valve body بتاع الفيس بايظ وهنغيره في الضمان ، وهنبعت للصين ناخد موافقة وتوفر قطعه الغيار التوكيل عاجز عن الحل السريع ، ومتابعة العملاء توكيل غير مؤتمن علي سيارات الناس والله.