عاجل| لامس أجزاء حسـاسة.. فتاة تتهم مدرس بالدقهلية بالتحـ.ـرش بها وتحذر الأمهات منه

خرجت فتاة تدعى سهيلة أشرف عن صمتها، مستغيثة بوزارة الداخلية والمجلس القومى للمرأة ومحذره الأمهات فى الدقهلية بالحذر من مدرس لغة إنجليزية لتحرشه بالفتيات أثناء الدرس الخصوصي.

وقالت فتاة الدقهلية: دا بوست بعلن فيه تعرضي لحادثة تحرش وهتك عرض وأنا طفلة كان سني 14 سنة من شخص عنده 50 سنة.. القصة بدأت لما المدرس بتاعي وأول حروف من أسمه ( م. ال) وهو كان بيدرسلي لغة انجليزية من وانا عندي ١٢ سنة في محافظة الدقهلية – مركز دكرنس – كان بيستغل انه بيديني درس خصوصي في مكان مغلق  وبيعتدي عليا جنسياً مش اعتداء كامل ولكنه كان بيلمس أماكن حساسة من جسمي وانا طفلة  ومش فاهمة وكان بيقلع ويخليني المس اعضاءه.

وتابعت: فضلت خايفة كتير ومكنتش فاهمة ايه اللي بيحصل ومعرفتش أتكلم مع أهلي لأنه كان دايماً بيقولي دا سر بينا وانا كنت طفلة ومش فاهمة مع استغلال صغر سني بالإضافة ان والدي توفي وانا عندي 16 سنة ، كل مرة كان بيحسسني اني مشتركة معاه في اللي بيحصل برغم صغر سني

وقالت: أنا بدأت رحلة علاجي النفسي واللي لسا مستمرة حتي الآن وفهمت ولو شوية وعملت بلوكات من كل حته زي ما دكتورتي طلبت مني وقتها واجهته في اخر 2023 وقالي أنا أسف وكانت غلطة رحت تفيت عليه ومشيت وفضحته في المدرسة ولكن هو لسا مكمل دروسه

واختتمت : أنا بكتب دا النهارده علشان عرفت ان الشخص دا لسا بيدرس لبنات ولسا بيستغل بنات جنسياً ، قررت أتكلم وانا 26 سنة وأخوض المواجهة ومحاسبة الراجل دا بشكل قانوني علشان أحمي غيري من البنات