فريدة عبيد تكشف تعرضها للابتزاز الإلكتروني من منتج شهير.. ما القصة؟

كشفت الفنانة الشابة فريدة عبيد عن تعرضها للإبتزاز الإلكتروني من قِبل منتج شاهير، وناشدت الجهات المسئولة لمساعدتها. 

فريدة عبيد تكشف تعرضها للإبتزاز الإلكتروني من منتج شهير

وظهرت فريدة عبيد في مقطع فيديو لها من خلال حسابها الرسمي عبر موقع تيك توك الشهير، وقالت: عايزة أي حد يشوف الفيديو ده يناشد السلطات المسئولة أو أي جهة حكومية تقدر تساعدني وتنقذني من اللي أنا فيه، أنا بتعرض للابتزاز الإلكتروني، في منتج وواحد بتاع سوشيال ميديا اشتغلت معاهم من حوالي 5 شهور، بيبتزوني، استولوا على حساباتي على كل السوشيال ميديا، بيحاولوا يهكروا حساباتي في البنوك، هكروا تليفوناتي وتليفونات عيلتي كلها، عشان يوصلوا لتليفوني.

أضافت: مهكرين أكونت أنغامي، وعلى آبل ميوزك، وبيسحبوا الربح من حوالي كام شهر، وأنا مكنتش مكتشفة، ولما صحيت من النوم لاقيت أكونت أنغامي متغير صورته ومتغير اسمه، وكلمت بتاع السوشيال ميديا أسأله لأني لاقيت الأغاني بتاعت المنتج ده محطوطة على الأكونت، لأن ده أكونت خاص بينزل عليه الأغاني بتاعتي، اللي من إنتاجي بس، قالي جربي وأنا معاكي وأتاريه وقتها استولى عليه، وأنا مخدتش بالي، واقنعني أنه شغال تمام، واتملك من تليفوني ومن تليفونات عيلتي كلها. 

تابعت: أنا معملتش للناس دي حاجة غير أني قولت لا مش عايزة اشتغل شغل مش مناسبني، عايزني اشتغل معاهم بالعافية فبيضغطوا عليا، أنا محتاجة أي حد من السلطات المسؤولة يساعدني.

استكملت: أنا طول الوقت بقدم شغلي من سكات، لا عمري بتكلم ولا بطلع أقول حاجة عن حياتي، الناس دي عايزة تقضي عليا، بقالي أسبوع بلف حوالين نفسي أنا وعيلتي كلها، لمجرد أني إنسانة محترمة عايزة أقدم فن محترم مش حاجة مبتذلة. 

أختتمت: ليا رأي وليا شخصية وهما عايزين يفرضوا عليا سيطرتهم، جبنا موبايلات جديدة بخطوط جديدة وبردو بيهكروها تتحول في إيدينا لحتة حديدة.