"انا طلبت بتغيير القانون".. الفنانة نيلي كريم تتضامن مع سيدة سموحة بهذه الطريقة

نشرت الفنانة نيللي كريم منشورًا عبر حسابها الرسمي على موقع «فيس بوك»، ذكرت  فيه تفاصيل أحد مشاهدها  في مسلسل فاتن أمل حربي التي ابرزت مظاهر معاناه النساء بعد الطلاق عقب حاله الجدل المثاره مؤخرًا بشأن واقعة فتاة الإسكندرية
علّقت عليه بكلمات من داخل المشهد، حيث قالت على لسان شخصية «فاتن»
"يا سيادة القاضي أنا بقالى سنة رايحة جاية على المحكمة بين الجلسات والتأجيل وشهادة شيخ الحارة وبرضو مفيش فايدة. النيابة والمحكمة بقالها سنة، سنة مش عارفة أوصل لدخل طليقي، مع إني قدمت أوراق قبل كده واثبت إنه بيشتغل في المصنع زي ما هو، إنه مترفدش. حياتي بتبوظ، بتبوظ كل يوم، لحد دلوقتي ماخدتش ولا جنيه منه ولا بيدفع مصاريف مدرسة ولا رجّعلي بيتي ولا أي حاجة، أنا طلبت بتغيير القانون لأن القانون ده مش عارف ينصفني"

وأضافت: «لكن المحكمة شايفة إن القانون ده مفيهوش عوار. هو في عوار أكتر من كده؟ في عوار أكتر من اللي أنا فيه؟ إنتوا كل شوية تقولوا لي القانون القانون القانون، ميكنش اللي كاتبينه ملايكة مثلاً؟ دول بشر زيي زي حضرتك بالضبط، ده النص القرآني والنبوي فيه اجتهاد بشري، كل شوية تقولوا لي روح القانون روح القانون وأنا روحي طلعت مبقتش شايفة إنه فيه روح ولا فيه قانون»

واختتمت المشهد بقولها: «روح القانون يا ست فاتن هي اللي هتخليني محبسكش 24 ساعة لإهانة هيئة المحكمة»
وتفاعل عدد كبير من متابعي نيللي كريم مع المنشور، حيث انقسمت التعليقات بين من اعتبر أن المسلسل يعكس واقعًا ملموسًا لم يتغير رغم مرور الوقت، ومن رأى أن المشكلة لا تقتصر على القوانين فقط، بل تمتد إلى التطبيق والوعي المجتمعي.

وجاءت بعض التعليقات على النحو التالي:
«المسلسل ده من كام سنة ولا حياة لمن تنادي وما زالت الست مش بتعرف تاخد حق عيالها… وحسبي الله ونعم الوكيل في القانون».

كما كتب آخر: «المسلسل قدم حقائق من أرض الواقع حرفيًا، وفي النهاية يقال إن القانون بينصف المرأة وهو مش أكثر من حبر على ورق».

وأضاف تعليق ثالث: «المشكلة أكبر من تغيير القانون،

 المشكلة في فساد النفوس، ولازم يكون فيه توعية ودور أكبر للدولة في حماية الحقوق وتنظيم الإجراءات»