موقف إنساني.. إيساف يروي قصة شاب من الأقصر أعاد له مبلغًا كبيرًا بعد تحويله بالخطأ
أشاد الفنان إيساف بموقف إنساني تعرض له مؤخرًا، وذلك بعدما أعاد له شاب من محافظة الأقصر مبلغ مالي كبير قام بتحويله إليه عن طريق الخطأ.
إيساف يروي قصة شاب من الأقصر أعاد له مبلغًا كبيرًا بعد تحويله بالخطأ
وكتب إيساف من خلال حسابه الرسمي عبر موقع التواصل الاجتماعي فيسبوك، قال: حولت مبلغ كبير بالغلط و اتصلت بيه و رد عليا قلتله حولتلك فلوس بالغلط قالي فعلا حصل و هرجعهوملك حالا و فعلا رجعهم في دقيقة.
أضاف: كلمته حبيت اعرف هو مين و منين و عنده كام سنة لقيته من الاقصر بلد الاصل و الاصول و الكرم انا رحت قبل كده و شوفت فيها اطيب ناس و كرم مالوش حساب وطلع شب عنده ٢٢ سنه بس راجل عارف الصح من الغلط مع ان السن ده غالباً بيشوف الحاجات دي فهلوة الا من رحم ربي.
تابع: عرفته بنفسي و قلتله ده رقم تليفوني و يشرفني اسأل عليك ديما و تسأل عليا وتحية للأب و الأم اللي ربوا لان النموذج ده اصبح قليل جدا في ايامنا دي بصراحة ( دنا مرة حولت ٢٠٠ جنية )، بالغلط كلمتهم لقيتهم عيله كاملة قاعدة مع بعضها قلتلهم انا حولت فلوس بالغلط شتموني ههههه وده الفرق بين الجعان و الشبعان.
