أسامة نبيه يكشف كواليس أزمة نجله مع جماهير الزمالك
كشف أسامة نبيه، نجم نادي الزمالك السابق ومنتخب مصر، عن تطورات علاقته مع جماهير القلعة البيضاء بعد الأزمة الأخيرة المتعلقة برحيل نجله يوسف عن النادي.
وقال نبيه، في تصريحات لبرنامج "النجوم في رمضان": "الجمهور كان عنده حق.. زعلوا مني بسبب رحيل يوسف، ومهما حاولت أوضح التفاصيل، فيه حاجات كتير ما وصلتلوش بالشكل الصح".
وأضاف: "عقد يوسف انتهى، وحاولت أتكلم مع المسؤولين قبل الفراغ الإداري اللي حصل، وقلت لهم إن العقد مش مناسب ليه، والعرض المقدم كان ضعيف، لكن ماكانش فيه أي رد فعل. طبيعي الجمهور زعل مني، والحمد لله بعتولي دعوة إفطار اليوم في المريوطية، وده موقف جميل".
وعن قرارات نجله، أوضح نبيه: "ابني عنده شخصيته ووجهة نظره، بيشاركني الرأي، لكن القرار النهائي ليه. لو رجع بيا الزمن، كنت ممكن ما أوافقش على رحيله عن الزمالك، لكن قدر الله وما شاء فعل".
واختتم نبيه حديثه بتأكيده على قوة العلاقة مع الزمالك، معربًا عن أمله في عودة يوسف قريبًا إلى القلعة البيضاء: "لازم يشتغل على نفسه ويكون يوسف اللي الكل يعرفه، وهو عنده فرصة دلوقتي في زد علشان يرجع أقوى".
