نجل عاطف واصف: أتعلم من والدي الكثير وهو في الشغلانة دي نمرة واحد
تحدث أمين واصف نجل عاطف واصف رئيس مجلس إدارة شركة واصف للفضيات، عن علاقته المهنية بوالده، مؤكدًا أنه لا يزال يتعلم منه حتى اليوم، وأن خبرته في السوق لا تُضاهى.
وفي لقاء مع الإعلامية لميس الحديدي مقدمة برنامج "رحلة المليار"، عبر قناة "النهار"، تطرق إلى ما إذا كان تعلّم الشطارة من والده: "بتعلم منه كتير طبعاً".
وتابع: "أقول إنه هو في الشغلانة دي نمرة واحد، وفي الخبرة مفيش زيه، وفي الشطارة"، مشيرًا إلى أن والده يُعد مدرسة متكاملة في تجارة الفضة، وأن خبرته الطويلة جعلته في موقع الريادة داخل المجال.
وعن أفضل وأسوأ ما يميز والده، قال أمين بصراحة ممزوجة بابتسامة: "أحسن حاجة فيه إزاي بيعامل الناس كلها من أصغر حد لأكبر حد بطريقة كويسة"، مؤكدًا أن أسلوبه الإنساني في التعامل مع الجميع هو سر نجاحه. أما عن أكثر ما يعيبه، فقال ضاحكًا: "أوحش حاجة العصبية.. عصبي!".
وأوضح أن عصبيته تظهر خصوصًا في العمل عندما يتعلق الأمر بالدقة والانضباط، مضيفًا: "مع الموظفين اللي ما يعملش حاجة غلط ليه؟ أقوله خد اطلع دي اطلع لمعها، أنا عارف تلمعها فوق عايزة تلات دقايق، ألاقيه قعد 15 دقيقة أتجنن، ليه؟ مانا كنت بطلع أعملها وأنا صغير عندي 14 سنة ألمعها، إيه اللي أخرك؟ تلاقيه بقى بيشرب سيجارة وقعد يرغي شوية فوق، كنت أموته.. هو ده بقى اللي يخليني أنفجر."
