محمد هشام عبية: مسلسل صحاب الأرض يروي تفاصيل إنسانية حقيقية من غزة

أكد السيناريست محمد هشام عبية، مؤلف مسلسل "أصحاب الأرض" من البداية كنا متفقين إننا مش عايزين نعمل “نشرة أخبار” عن غزة، لكن عايزين ندخل جوه الحدوتة نفسها… جوه الإنسان اللي عايش تفاصيل الحرب وأهوالها

كما أوضح أن فكرة  المسلسل كانت إننا نركز على الإنسان العادي اللي بيقاوم بالحياة، مش بالشعارات.. واحد بيدوّر على كيس دقيق عشان يعمل عيش، أو نقطة مية نظيفة يشربها، ودي في حد ذاتها مقاومة

ومن جانبه أشار محمد هشام عبية أن التفاصيل الصغيرة اللي الناس شافتها في المسلسل ما جتش من فراغ، لكن من متابعة حقيقية، وشهادات، وحكايات ناس عايشة الأحداث، وكان الهدف إن المشاهد يحس إنه مش بيتفرج على خبر، لكنه جوه الحكاية نفسها

وأكد أن ارتباط الجمهور بالشخصيات، زي شخصية إياد نصار اللي بيدور على ابن أخوه تحت الأنقاض، أو منة شلبي الدكتورة المصرية اللي جاية في قافلة طبية تساعد الجرحى، ده اللي خلّى الإحساس يوصل بالشكل ده

وقال مؤلف مسلسل "أصحاب الأرض" أن الشغل ما كنش سهل خالص، خاصة إن جزء كبير من المسلسل فيه طابع حربي وإنتاج ضخم، وده كان تحدي كبير

كما أضاف وجود مخرج شاطر زي بيتر ميمي ساعد جدًا، لأنه كان شايف الصورة كاملة وبيتحرك بخطة واضحة

ومن جهته أشار التعاون بينا كمؤلفين ومخرج طبيعي يبقى فيه نقاش واختلاف في وجهات النظر، لكن ده كان دايمًا في صالح الشغل، وكل واحد كان بيحاول يقدم أفضل حاجة

كما أوضح أن روح الفريق والإيمان بالقضية هما السبب الحقيقي إن العمل طلع بالشكل ده

موكدا أكتر حاجة فرحتني إن المسلسل وصل لأهل فلسطين نفسهم، وإنهم شافوا نفسهم في الحكاية، وحسوا إن العمل قريب من واقعهم فعلًا، وده بالنسبة ليا أهم نجاح