محمد فاروق: العائلة ليست سبب الشعور بالخوف.. ولكن رغبتي الشخصية في تحقيق النجاح
كشفت دينا ابنة رجل الأعمال محمد فاروق عبد المنعم، عن تجاربها الأولى في إدارة مشروعها الخاص، مؤكدة أنها ما زالت في مرحلة التعلم والبناء، وذلك ردًا على سؤال الإعلامية لميس الحديدي لها: "بتخافي تفشلي؟".
وقالت في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "أنا لسه ببدأ في حاجة وبجرب فيها وطبعاً عايزاها تنجح، وعندي خوفي مختلف عن الخوف اللي الناس بيتكلموا عنه، مش خايفة أخسر حاجة جدّي تعب فيها، مش موبيكا يعني، أنا داخلة بتعلم وببني حاجة".
وذكرت، أن شعور الخوف لديها ليس نتيجة ضغط من العائلة على النجاح، بل هو رغبة شخصية في تحقيق النجاح وبناء مشروع متين: "مش عشان فيه ضغط إني لازم أنجح، بس أنا نفسي أنا اللي أنجح، وخايفة ما أنجحش لأننا لسه بنتعلم وبنجرب حاجات تانية كتير".
وأوضحت أن التجربة تمنحها الفرصة للتعلم من أي خطأ محتمل، مما يعزز فرصها في النجاح مستقبلاً.
وتابعت دينا: "اتعلمت من والدي محمد فاروق إنك لازم تجرب، وحتى لو قرار خدته غلط هتعلم منه وهقوم متعلمة حاجة هعرف أنجح أكتر"، مؤكدة أن روح التجربة والمبادرة هي مفتاح اكتساب الخبرة الحقيقية وإدارة الأعمال بشكل مستقل.
