"ساويرس": لما بمشي في أي حتة بمصر بلاقي الناس كلها بتحبني.. ودي حاجة مش ممكن تتقيم بالفلوس
كشف المهندس نجيب ساويرس رجل الأعمال، ، أن الغرور يمثل قلة إيمان باللّه، مشيرًا إلى أن الاعتقاد بأن النجاح الشخصي بالكامل نتيجة الجهد الفردي دون فضل الله هو أساس الغرور: "الحمد لله أصل الغرور ده قلة إيمان بربنا، هتقولي لي إزاي؟ لأن إنت فاكر إن إنت بقى عشان إنت فإنت بتنجح لأ هو صاحب القرار الأخير، فإنت الغرور ده بيعتبر إن إنت إيمانك مش مؤمن بيه إنه هو صاحب الفضل الأول والأخير".
وأضاف في حواره مع الإعلامية لميس الحديدي، مقدمة برنامج "رحلة المليار"، عبر قناة "النهار"، أن الشهرة والنجاح المالي لم تجعله متكبرًا أو منفصلًا عن الناس، موضحًا أن الحفاظ على التواضع واحترام الآخرين هو ما يحافظ على محبة الناس: "ده إنتي يوم ما تعملي كدا خلاص هتضيعي محبة الناس، هي الناس بتحبك ليه؟ حاسة إنك واحد منهم، فإنت أول ما تتكبر عليهم هيحبوك ليه؟".
وتابع ساويرس أن قيمة محبة الناس تفوق أي ثروة مادية، مؤكّدًا أن وجوده في مصر واستمراره في التواصل مع الناس محبّب له ولا يمكن تقديره بالمال: "طب ما أنا ليه قاعد في مصر؟ مثلاً ممكن أقعد في أي حتة بس أنا هنا بمشي بلاقي الناس كلها بتحبني فده يعني حاجة مش ممكن تقيم بفلوس".
