«فن ردئ».. عبد الله رشدي يهاجم رامز جلال بعد حلقة أسماء جلال
شّن الشيخ عبد الله رشدي هجومًا حادًا على الفنان رامز جلال، وذلك بعد حلقة أسماء جلال في برنامج رامز ليفل الوحش، التي تضمنت العديد من العبارات الإيحائية، حيث اعتبره أنه لا يصلح في شهر رمضان المبارك.
عبد الله رشدي يهاجم رامز جلال بعد حلقة أسماء جلال
وكتب عبد الله رشدي من خلال حسابه الرسمي عبر موقع التواصل الاجتماعي فيسبوك: “رامز ليڤل الوحش!.. الحقيقة مكنتش حابب أتكلم، رامز كإنسان بشوفه دمه خفيف وشخص مش سئيل ولا متعجرف، بحس إنه إنسان مَرِح وطيب..وكلنا فينا الحلو والوحش”.
أضاف: “لكن دا مش هيمنعني من انتقاد اللي بيحصل.. لأن والله العظيم اللي اتعرض دا بجد ميرضيش ربنا.. إحنا لا احترمنا نفسنا ولا احترمنا الأطفال والبنات اللي بتتفرج، ولا حتى راعينا حُرمة شهر رمضان.. دا فن رديء”.
تابع: “ودا أقل ما يُوصَف به الكلام والمناظر والإيحاءات اللي اتعرضت على الشاشة.. مينفعش التدني اللي بنشوفه الفترة دي وبالذات في رمضان!”.
حالة من الجدل انتابت متابعي السوشيال ميديا ، بعد حلقة أسماء جلال مع رامز جلال فى برنامجه رامز ليڤل الوحش ، بسبب الشتائم والألفاظ التى خرجت منها اثناء انفعالها على أحداث البرنامج، ووصلت إحداهما للشتيمة بالأم.
وعلقت صفحة قاوم قائلة: نبدأ رمضان بشتيمة أسماء جلال لرامز جلال .. بداية مبشرة حقيقي .. فين المجلس الاعلي للاعلام من المسخرة دي !! بنرفض نشوف القرف دا قدامنا علي الفطار تعليقاً علي حلقة رامز جلال احترام الزوق العام واجب ".
