نجيب ساويرس: والدي أنسي ربّانا على العصامية وعدم الاعتماد عليه في حياتنا

قال المهندس نجيب ساويرس رجل الأعمال، إنّ والده أنسي ساويرس كان ذكيا في طريقة تربيته وأشقائه، إذ عودهم على أن يكونوا عصاميين وألا يعتمدوا عليه في حياتهم الشخصية، موضحًا: "كنت عاوز أبقى عصامي، وبابا كان موافق، عشان كده اشتغلت في غسيل الأطباق بألمانيا".

وأضاف في حواره مع الإعلامية لميس الحديدي، مقدمة برنامج "رحلة المليار"، عبر قناة "النهار": "لو مكنش والدي عمل كده، مكناش طلعنا كده زي ما إحنا دولقتي، حتى سميح ساويرس شقيقي عمل جارسونا، وأنا بعمل كده مع أولادي، لكن أنا أحن وأكرم شوية صغيرين، لكن والدتهم كانت ناشفة جدا عليهم".

وتابع: "لم أحزن بسبب عملي في غسيل الأطباق، وكان عملا كريها بالنسبة لي، وشغلت دماغي في أول 3 أيام، ولقيت شغلانة جارسون، فبقيت أكسب أكتر وفي بقشيش".