خروج الزمالك من كأس مصر
هجوم حاد من نجم الزمالك السابق لمجلس إدارة النادي بعد الخروج من كأس مصر
هاجم نجم نادي الزمالك والمنتخب المصري السابق المهاجم أحمد جعفر مجلس إدارة نادي الزمالك بعد الخروج المبكر من منافسات بطولة كأس مصر 2025-2026 على يد سيراميكا كليوباترا.
هجوم حاد من نجم الزمالك
وكتب أحمد جعفر عبر صفحته الرسمية على موقع التواصل الإجتماعي فيسبوك: الساده المسؤلين في اداره نادي الزمالك انتم السبب الوحيد في خروج الزمالك لان من الآخر مش بتقدرو تاخدوو قرار لما فرقه تلعب 4 ماتشات في 12 يوم منهم ماتشين في أفريقيا وماتش في الدوري وماتش في الكاس وفيهم ماتشين لو خسرت تخرج علي طول يعني مفيش فرصه مثلا ولا اي حاجه فعلا.
وتابع جعفر: والله مش زعلان علي الخروج لان اللعيبه عملت اللي عليها واكتر في ظل الظروف الصعبه دي جدا.
واختتم: وكمان تبيع اللعيبه المهمه عندك ومعنديش اسكواد كبير تقدر تلاعب وتريح براحتك فعلا كتر خير اللعيبه والجهاز الفني.
نتيجة مباراة الزمالك وسيراميكا كليوباترا
وودع نادي الزمالك منافسات بطولة كأس مصر من دور 16 بعد الهزيمة أمام سيراميكا كليوباترا في المباراة التي أقيمت بينهما مساء اليوم على ستاد هيئة قناة السويس بهدفين مقابل هدف.
