لقاء الخميسي عن زواج عبدالمنصف: «اللي قالي الخبر كان عاوز يخرب بيتي»

علقت الفنانة لقاء الخميسي عن أزمة زواج زوجها عبد المنصف الأخيرة من الفنانة إيمان الزيدي، والتي أثارت جدلًا واسعًا خلال الفترة الماضية. 

تعليق لقاء الخميسي على أزمة زواج عبد المنصف

وقالت لقاء لخميسي خلال لقاءها في برنامج Mirror مع الإعلامي خالد فرج: إحنا كنا ناس مستورين، قافلين على نفسنا، محدش يعرف عننا حاجة، والستر اتشال في لحظة بسبب جواز عشان يعلمنا درس.

أضافت: انتشار خبر الجواز بهذه الطريقة حط الأسرة تحت ضغط نفسي كبير، وفتح أبوابًا من التأويلات والشائعات.

تابعت: لا كنت شايفة ولا سامعة ولا حاسة بأي حاجة غير أن أنا خدت قلم على وشي، الطرف الآخر فاكر أنه هيخرب بيتي، لكن أنا مش بخرب بيتي.. الكرامة مبتتسكرش لما بتحافظ على بيتك وعيالك ومستقبل عيالك. 

لقاء الخميسي ترد على جدل أزمتها مع زوجها عبد المنصف وتعطي نصيحة للسيدات

في أول تعليق لها منذ إعلان طليقة زوجها عبد المنصف إنفصالهما بعد زواج دام 7 سنوات، ردت لقاء الخميسي على الجدل المثار حول وجود أزمة بينها وبين زوجها، كما أعطت نصيحة للسيدات للحفاظ على منزلهما.

وشاركت لقاء الخميسي جمهورها مقطع فيديو يجمعها بزوجها وأولادها، من خلال حسابها الرسمي عبر موقع تبادل الصور والفيديوهات القصيرة «إنستجرام»، وكتبت: الدنيا يتختيرنا دائماً وأبداً ، أيام بتسعدنا وأيام يتبعدنا وتزعلنا وبنتوه مع نفسنا ! وتجرحنا.

أضافت: «الحكمة بتظهر من قلب الحزن .. وبنقعد نفكر ايه الصح وايه الغلط وهل اللي عدينا بيه شر ولا خير».

تابعت: «ومع الوقت ، ولما النفس تهدى والعقل يفكر والقلب يدق ، بنكتشف ان كلنا ينغلط وبنتوه شوية في وسط الزحمة ، في ناس بتغلط وتكمل في الغلط ! وفي ناس بتغلط و يترجع لحكمتها ويتندم وتصحح الخطأ.. خطائين وخير الخطائين التوابين».

أوضحت:«مافيش حد ما بيغلطش ، بس القوي الحقيقي بيعترف بالغلط وبيرجع لصوابه.. ربنا فتحلنا باب المغفرة والسماح».

استكملت: «شكرا من قلبي لكل انسان دعمني ووقف جنبي وطبطب عليا وشكرا لكل اصدقائي المقربين اللي وفقو جنبي وكل من دعمني من اصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة».

تابعت: اخر حاجة هاقولها ، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا واولادنا يالحب والسلام.. كلنا بنغلط ، وبنندم ونرجع لصوابنا .. ونرجع ببداية جديدة مليانة شغف وحب وسلام وراحة بال.

ووجهت رسالة للسيدات، قالت: «لكل ست وربة منزل حافظي على بيتك وعيلتك بكل قواكي وأوعي تدي الفرصة لأي انسان انه يهدم بيت العيلة.. بحبكم من كل قلبي أصدقائي وعيلتي الكبيرة.. لقاء الخميسي».