"بعد مشاركته في حد أقصي"..محمد مهران يشيد بـ"مايا أشرف زكي" ويوجه رسالة لروجينا
أعرب الفنان محمد مهران عن سعادته بمشاركته في مسلسل «حد أقصى» بطولة الفنانة روجينا و إخراج مايا أشرف زكي والمقرر عرضه في موسم دراما رمضان 2026.
وشارك الفنان محمد مهران جمهوره البوستر الرسمي له من مسلسل حد أقصى، وعلق عليه " مايا أشرف ذكى مخرجة عندها وعى وفهم للممثل أنا مبسوط اني اشتغلت معاكى لانك فعلا بتسعى انك تطلعى كل مشهد بصدق ده بعيدا اني فرحان باختي اللى شوفتها كبرت و بقيت مخرجة و هتبقي من اهم المخرجين فى الفترة الجاية ربنا يوفقك يا مايا لانك فعلا تستاهلى كل خير ".
كما وجه رسالة للفنانة روجينا قائلآ" انتي طبعا جوه القلب ، انتي عارفة انتي وش السعد".
من جانبه ردت الفنانة روجينا علي الفنان محمد مهران قائلة " انت غالى اخلاقك واحترامك من اول مرة شوفتك وانت لسة طالب فى المعهد انا بعتبرك اخوى وكل مابشوفك ناجح ومراتك و اولادك بخير ببقى مبسوطة عشان دول اهم مافى الدنياوليا ذكريات فى ولادة الاتنين البكرى فى البرنس وست البنات فى حد اقصى وبينا اقوى لازمه فى الدراما
وأضافت" صحيح مفيش حد عينه حضرا بيجي من وراه خير يعمرررررى انت اخوي وكمان اخوى مايا يلا نكتسح الكوكب بفضل ربنا يقينى بالله يقين نجاح يتعجب منه أهل السموات والأرض".
مسلسل حد أقصى يشارك في بطولته عدد من النجوم بجانب روجينا أبرزهم الفنان محمد القس وخالد كمال ومريم أشرف زكي وفدوى عابد، نشوى مصطفى، مصطفى عماد، أمير عبد الواحد، بسنت أبو الباشا، بالإضافة إلى عدد آخر من النجوم.
