عاجل| عنصرية وإهانة.. نادي شهير يرفض عضوية مواطن وأسرته بسبب وضعه الاجتماعي

رفض مواطن ما أسماه بعنصرية وإهانة نادى سوديك الرياضى، ولجأ إلى منصات التواصل الاجتماعى، لرواية ما تعرض له خلال تقديمه أوراق انضمامه إلى النادى المعروف.

المواطن أحمد رضا نشر من خلال حسابة على موقع التواصل الاجتماعى فيس بوك رسالة، شرح فيها، أسباب رفض سوديك الرياضى انضمامه وأسرته إلى النادى، بزعم عدم ملائمة المستوى الاجتماعى، وهو ما اعتبره عنصرية وإهانه له.

وقال صاحب رضا فى رسالته التى لاقت تفاعلا واسعا من جمهور المتابعين:  النهارده جالي أغرب إيميل في حياتي . تم رفض طلبنا للتقديم على عضويه نادي Club S Sodic Sports Club لاننا لا ننتمي لـ community اللى جوا كل دا من خلال form بتملاها الأول يعني من غير انترفيو . موظف  بياخد 10 أيام بيتفرج على بياناتك واكونتات السوشيال ميديا بتاعتك كلها انت وعيلتك وبتشتغل ايه وفين وولادك في مدارس ايه ومعاك ممتلكات ايه ومشترك فين …. الخ ".

وتابع: بعد كل دا حتى لو بمعاييرهم وضعك المادي والاجتماعي كويس جدا وساكن في مكان راقي جدا وشغال وظيفه مرموقه واولادك في احسن مدارس .ممكن يرفضك عشان لبسك او هيئتك او عشان كنت خريج جامعه حكوميه مثلا او عشان كتبت بوست معجبش الموظف مثلا ( دا مش تخمين مني هما قالولي كدا انهم بيرفضوا الي بيحسو انهم مش شبههم عن طريق السوشيال ميديا وغيرها ).

وقال رضا: أنا متفهم محاوله كل نادي أو كل شركه انها تبني لنفسها community شبهه بعضه بس متخيلتش هذا القدر من الطبقية والعنصرية طبعا بعد ما بتعدي من الموظف دا بيتعملك انت وعيلتك انترفيو وبردو يا تتقبل يا لا حسب تقييمه الشخصي لازم تبقا مناسب من وجهه نظرهم عشان بعدها تدخل تدفع ملايين وكل دا عشان اولادك يدخلوا يلعبوا !.